మాష్టారు

శ్రీరామరాజ్యం సినిమాలో ఓ వింత

2011-12-04T17:28:00.001+05:30

శ్రీరామరాజ్యంలో శ్రీరాముడు , ఆయన సోదరులు, ఆయన కూమారులు,

మామగారైన జనకుడు, ఆంజనేయుడు , ఒక గూఢచారి మాత్రము వైష్ణవ

నామాలను నొసటన ధరించగా , గురువులు , ప్రజలు అంతా శైవ

సాంప్రదాయం ప్రకారం అడ్డబొట్లు ధరించివున్నారు.ప్రజలందరినుండి

రాజకుటుంబము మాత్రమే ఎందుకని వేరయింది. సినిమా అంతటిలో

ఎక్కడా ఒక్కశివలింగమైనా కనిపించకపోవడానికి కారణం ఏమిటి

ఆపరేషన్ బురిడీ అనే నిస్సహాయ ఎత్తుగడ

2011-11-07T19:54:00.001+05:30

మన దేశంలో యుపియే నాయకత్వంలోని ప్రభుత్వంబలహీనమైనదని మీకూ తెలుసు. అది తన అస్తిత్వాన్ని కాపాడుకోవడానికి అనేక తంటాలుపడుతుంది. ప్రస్తుత కాంగ్రెస్ నాయకత్వానికి ఈ ప్రమాదాలనుండి బయటపడే మార్గాలకోసంచూస్తుంది.

మనం సినిమాల్లో చూస్తుంటాంగదా హీరోబృందం విలన్వలలో చిక్కుకొని తప్పించుకొనే దారిలేక వాళ్ళలో వాళ్ళే గొడవ పడుతున్నట్లునటిస్తారు. విలన్ మరియు అతని అనుచరులు ఈ డ్రామాను నిజమనుకొని వెఱ్ఱిమొహాలేసుకునిచూస్తుంటారు. అదను చూసి విలన్ చేతిలోని తుపాకీని ఎగరగొట్టి హీరోగారి బృందంఆపదనుండి తప్పించుకుంటుంది. కదా.

ప్రస్తుతం కాంగ్రెస్ పార్టీ ఈ ట్రిక్కునేప్రయోగించింది. కేంద్రమంత్రి రాజా తప్పుచేశాడని మరోకేంద్రమంత్రి పత్రికా ప్రకటనఇస్తాడు. సిబిఐ వారు ఆమంత్రిని అరెష్టుచేసి జైలులో పెడతారు. మంత్రుల అవినీతికిఆధారాలున్నాయని వాటిని త్వరలో బయటపెడతామని , వారికి జీవిత ఖైదు , ఉరిశిక్ష పడవచ్చేమో అంటూపత్రికలలో వ్యాఖ్యానాలు వస్తాయి. ఇదంతా నిజమేనని పాపం బిజేపి, కమ్మనిష్టులు వంటి మతమనేమత్తులోవున్న పార్టీలు చేష్టలుడిగి చూస్తున్నాయి. ఇక వీళ్ళ నెత్తిన మొట్టడమేతరువాయి . తరువాత కథ ఏం జరగబోతుందో మీకు అర్ధమైందిగదా...

అదే డ్రామాని ఆంధ్రప్రదేశ్ లో కూడా ఆడించాలనిచూశారు. మంత్రి శంకరన్న తన తోటి మంత్రులపై అవినీతి ఆరోపణలు చేశాడు. కానీ మనకోర్టులు అంగీకరించలేదు. బహుశా ఇక్కడివాళ్ళు ఈ కహానీలు నమ్మరనీ , అనలుకేమోసమొస్తుందనుకున్నారేమో. ఏమంటారు...

జగన్ భవిష్యత్తు ఏమిటి?

2011-04-16T14:23:00.002+05:30

చిన్నపామునైనా పెద్ద కర్రతో కొట్టాలనే జాగ్రత్త లేకుండా, వచ్చిన అవకాశాలను జారవిడుచుకొని, మూడున్నర ఏళ్ళపాటు మీరెన్ని తప్పులు చేసినా మిమ్మల్నేమీ అననంటూశత్రువులకు అవకాశం ఇవ్వడం వంటి జగన్ రాజకీయ మార్గాన్ని పరిశీలిస్తే కొంత ఆందోళన కలుగుతుంది. ఎన్నికల బరిలో రాజకీయాలు చేయకుండా రాముడు మంచి బాలుడు తరహాలో ఎన్నికల యుద్ధంలోకి జగన్ ప్రవేశించినట్లు కనిపిస్తుంది. ప్రస్తుత అవినీతి మయమైన రాజ్యంలో కుట్రలు, కుయుక్తులు లేకుండా రాజకీయాలు ఊహించడానికే భయంగా ఉంది.

ఎన్నికలలో జగన్ ను ఓడించడం జీవన్మరణ సమస్య సోనియాకాంగ్రెస్ వారికి, కు.రాజనీతి దురంధరుడైన చంబా కు . కనుక వారిరువురూ కలిసికట్టుగా నిలవడం జగన్ కు ఎన్నికలలో ఎదురు దెబ్బే. కాంగ్రెస్ పార్టీ వారు భ్రమలు కల్పించడంలో నేర్పరులు. వారు ఈ ఎన్నికలలో ఓడిపోతే రేపు జనరల్ ఎన్నికలలో కూడా తప్పనిసరిగా ఓడిపోతారు. కనుక ఈ యన్ని ఈ ఎన్నికల్లో ఈ ఒక్క నియోజకవర్గంలో ఓడించగలిగితే రేపు రాష్ట్రమంతా ఓడించడం సులువు. కనుక అనేక ఎత్తుగడలు ప్రయోగించి జగన్ వర్గాన్ని డిఫెన్స్ల్ లో పడవేయడానికి ప్రయత్నిస్తున్నారు. జగన్మోహనరెడ్డి అనే పేరుగలిగిన వారిని పోటీపెట్టడం ద్వారా “ జగన్మోనహనరెడ్డికే మీ ఓటు కుండ గుర్తుకే ఓటెయ్యంటని ఒకసారి, జగన్మోనహనరెడ్డికే మీ ఓటు బండి గుర్తుకే ఓటెయ్యంటని ఒకసారి, జగన్మోనహనరెడ్డికే మీ ఓటు ఆకు గుర్తుకే ఓటెయ్యంటని ఒకసారి, జగన్మోనహనరెడ్డికే మీ ఓటు ఏనుగు గుర్తుకే ఓటెయ్యంటని ఒకసారి,” ఇలా ఓటర్లని అయోమయానికి గురిచేయడం, మంత్రులను అందర్నీ మోహరించి ప్రజల్ని ప్రలోభపెట్టడం, వీధిలోని రింగులీడర్ల మొదలు ఎంపీల దాకా తమ గ్రిప్పులో పెట్టుకోవడం, జగన్మోహనరెడ్డి ఓటర్లకు అధికమొత్తంలో ఓటుకు నోట్లు ఇవ్వబోతున్నాడని ప్రచారం చెయ్యడం – తద్వారా ఓటర్లను నిరుత్సాహానికి గురిచేయడం, ఓటర్లను సారాలో ముంచడం, మహిళలకు ఏటియం కార్డులంటూ ఊరించడం, బర్రెలు గొర్రెలు, లోన్లంటూ ఉచ్చులు బిగించడం, జగన్ అనుయాయులపే అనేక అక్రమ కేసులు బనాయించడం. వైయ్యస్ మంచివాడేగాని జగన్ అసమర్ధుడని ప్రచారం చేయడం, జగన్ అత్యధిక మెజారిటీతో గెలుస్తాడని కనుక తమ పరువును నిలుపుకోవడం కోసం అంటూ మీ ఓట్లనివేస్తే చాలునంటూ ఓటుబ్యాంకును కొల్లగొట్టడానికి ఎత్తులు వేస్తారు.

ఇదే పరిస్తితులు తెలుగుదేశం పార్టీకి కూడా ఉన్నాయి. జగన్మోహనరెడ్డిని ఎన్నికలలో గెలవగలిగే పరిస్తితులు చంద్రబాబుగారికి లేదని తేలిపోవడంతో తెలుగు దేశం నాయకునిగా చంద్రబాబు తప్పుకొని జూనియర్ ఎంటీఆర్ ను నిలపాలని కొందరు పోరాడుతున్నారు.

అవినీతికి వ్యతిరేకంగా అన్నాహజారేకి మద్దతు ప్రకటించిన నేటితరం అంతతేలికగా కాంగీ,తేదేల ఎత్తుగడలకు లొంగుతారా అనేది మిలియన్ డాలర్ల ప్రశ్న.

ఆశావాదులకు కంటితుడుపు

2011-04-10T14:40:00.000+05:30

అవినీతి వ్యతిరేక పోరులో గాంధేయవాది అన్నా హజారే విజయం సాదించి ప్రభుత్వాన్ని పిల్లిమొగ్గవేయించబోతున్నారు. భారత దేశంలో అవినీతికి కారణాలు తెలుసుకోకుండా మరోక చట్టం చేయడం అంతగా ఉపయోగపడదని నా అభిప్రాయం. ఇండియాలో అమలౌతున్న బ్రిటిష్ బానిస చట్టాలు మరియు బాపూజీ చట్టాలపై బాపూజీ అనుచరులు పోరుచేయబూనుకోవడం మరో విచిత్రం.

మనలో చాలామందికి దోపిడి ఎలా జరుగుతుందో తెలియదని నా అనుమానం. కొన్ని సంగతులు బహిరంగంగా చర్చించడం సాధ్యపడదు. ఎవరికి వారే పరిస్థితిని అవగాహన చేసుకోవాలి. యువకులు , మేధావులు, రాజకీయ పార్టీలవారు అందరూ అవినీతిని వ్యతిరేకిస్తున్నట్టు కనిపిస్తుంది. మరి అవినీతి చేస్తున్నదెవరు అని ప్రశ్నించుకోవడంలేదు. అదిగో పులంటే ఇదుగో తోకన్నట్లుగా ఉందీవ్యవహారం.

తేనెపట్టు

2011-03-15T05:36:00.000+05:30

రోబో చిత్రం లో నాకు నచ్చనివి

2010-11-15T19:25:00.000+05:30

రోబోని సైన్టిష్టు చెడగొట్టి చెత్తకుప్పలో పడవేసినా ఏదో సినిమాలో చూపినట్లుగా వేష్టు వేసే ప్రాంతానికి వెళ్ళి విలన్ వెదకి , దొరకలేదని వెళ్తూండగా తనంతట తానే విడిభాగాలన్నీ కలుపుకొని , విలన్ కార్లో పడి , తనని బ్రతికించమని బ్రతిమాలడం వింతగా ఉంది. దానికి ప్రాణంలేదుకదా...
వేగంగా వెళ్ళే రైలును పరుగెత్తుకుని ఎక్కగలిగిన రోబో , క్లైమాక్సులో బస్సును కూడా అందుకోలేడు...విడ్డూరం కదూ...
ఏది ఏమైనా సినిమా బాగుంది. సినిమా హాలులో సీట్లు నిండిపోయినందున సీట్ల మధ్య గల నడిచే దారిలో చిన్న బల్లలు వేసారు. నేను మా మేనల్లుడూ ఆ బల్లపై కూర్చోవలసి వచ్చింది. సినిమా ఐపోయేదాకా ఈ బల్లపై కూర్చోలేనేమోననుకున్నాను. కానీ సినిమా పూర్తయే దాకా నాకు స్పృహేలేదు. అంతగా సినిమాలో మమేకమైపోయాము. గ్రేట్ వర్క.

ROBO Film

2010-11-05T20:05:00.000+05:30

రోబో చిత్రంలో అంతా అనుకున్నదానికన్నా బాగానే ఉన్నదని మంచి పేరు తెచ్చుకున్నది. సంతోషం. కానీ ఒకటి రెండు విమర్శలుకూడా చేయాలనిపిస్తుంది. అందులో మొదటిది ఏమిటంటే చిట్టి ఫీలవడం నేర్చుకున్నతర్వాత ఐసూను ప్రేమిస్తాడు. అది సహించలేక తన చేతులతో తయారుచేసిన చిట్టిని తానే విరుగగొట్టి చెత్త కుప్పలో పారేస్తాడా సైంటిస్టు. ఎందుకంటే దానిలోనుండి అలా ఫీలయ్యే లక్షణాలను తొలగించడం సాధ్యంకాదు గనుక. కానీ చివర్లో విలన్ పెట్టిన చిప్పు తొలగించిన తర్వాత ఆ విషయమే మరచినట్లుగా ప్రవర్తించడం ఎలా సాధ్యమైంది? కదా..

ఇక రెండవ విషయం. అనేక విషయాలు తెలిసిన రోబోకి సంసారమ్ముక్కు తగిలించుకోలేకపోవడం హాస్యాస్పదంగా ఉంది. ఒకవేళ యంత్రునికి మనిషికి బేధం చూపడానికి, శాస్త్రమును అశాస్త్రీయము ఓడించినట్లు చూపడం జరిగిం దనుకో వచ్చునేమో...మరి మీరేమంటారు?

అక్షరాస్యతా దినోత్సవం

2010-09-28T05:52:00.000+05:30

ప్రపంచ అక్షరాశ్యతాదినం జరుపుకుంటున్నాం. కనుక ఇప్పుడైనా అక్షరాస్యత అంటే ఏమిటా అని అందరూ ఆలోచించాల్సిన అవసరం ఉంది. ప్రతి ఇద్దరిమధ్య జరుగవలసిన అవగాహన ఒకరి అభిప్రాయాలు మరొకరు తెలుసుకోవడానికి అవసరం. ఎదురెదురుగా ఉన్నప్పుడు ఒకడు మరొకనికి కొన్ని గుర్తులు చూపి, లేదా కొన్ని శబ్దాలు వినిపించి తెలియజేస్తాడు. ఇది ప్రధానమైన అంశం. ఇక అప్రధానమైన విషయం మరొకటుంది. దేనిపైనైనా కొన్ని గుర్తులు లేక బొమ్మలు వ్రాసి తన అభిప్రాయాన్ని తాను ఎదుటలేకపోయినా మరొకనికి తెలియజేయగలగడం. ఇది అధమాధమ కార్యము. ఎందుకంటే ఎదురెదురుగా ఇద్దరు ఉన్నప్పుడు ఒకరి అభిప్రాయం మరొకరికి ప్రత్యక్షంగా వివరించుకునే అవకాశం ఉంటుంది. అనేక పొరలుగల ఈ ప్రక్రియ జరిగినంద వీజీగా ఉత్తరాలద్వారా జరుగదు. కనుకనే దీనిని అధమాధమని అంటున్నాను. అయితే మోసగాళ్ళకిది కల్పవృక్షం. దేవుడు చెప్పాడంటూ తమ వంచనాకృతులు వెలయించి ఎదుటివారిని మోసగించి కాలం గడుపుకునే వంచకులకు ఇదే గొప్ప. కనుకనే కృతజ్ఞతా సూచకంగా అక్షరాస్యతాదినోత్సవం జరుపుకుంటున్నారు. నేడు ప్రపంచములో అనేకరకములైన మోసగాళ్ళూ, అపజ్ఞానులూ, వేషధారులతో నిండివుంది. ప్రతిఒక్కడూ తన పొరుగువానికి చెందవలసిన వాటాలో కొంత పొందాలని చూస్తున్నారు.

భావవాదులు దేనికి ప్రాధాన్యత ఇవ్వాలో దానికి ఇవ్వకుండా, అవసరం లేనివిషయాలకు ప్రాధాన్యత ఇచ్చి కాలక్షేపం చేసేవాళ్ళే. ఇకపోతే అక్షరాస్యత అంటే గురురహిత స్వంత పైత్యంగా మార్చివేస్తున్నారు. అనవసరశ్రమను తలకెత్తుతున్నారు. వాస్తవానికి ఒక వ్యక్తి రెండు రకాల భాషల సంజ్ఞలు నేర్చుకుంటే మంచిది. ఒకటి లోకల్ భాష, మరొకటి గ్లోబల్ భాష. లోకల్ భాషలో చదవనూ, వ్రాయనూ నేర్చుకొనుటకు రెండుసంవత్సరములు పడుతుంది. అంటే పిల్లలను ఆరవ ఏట బడిలో చేరిస్తే రెండేళ్ళలో కేవలం లోకల్ భాషను నేర్చుకుంటే సరిపోతుంది. ప్రాధమిక విద్యలో మిగిలిన మూడు సంవత్సరాలు గ్లోబల్ భాష నేర్పాలి. ఇక ఆరవ తరగతినుండి పదవతరగతివరకు సైన్సు, గణితం, సామాజిక విషయాల పరిజ్ఞానం గురించి నేర్పాలి. ఇవి వారాంతపు సెమిస్టర్ల విధానంలో పరీక్షిస్తుంటే చదువు ఆహ్లాదకరంగా ఉంటుంది అని నా అభిప్రాయం. ఏమంటారు?

చేనేత కార్మికుల ఆకలి చావులు

2010-08-29T20:14:00.000+05:30

చేనేత కార్మికులు మాత్రమే ఎందుకని మరణిస్తున్నారు ? అనేక ఇతర వృత్తుల వారి పరిస్తితి కూడా అంతంతమాత్రంగానే ఉంది. వారిపై లేని ఆదరణ కేవలం చేనేత పనివారిపైనే ఉండడానికి కారణమేమైయుంటుందో నాకైతే అంతుబట్టడంలేదు. పైగా బ్రతుకుదెరువు కోసం కూలీలుగా, హోటళ్ళలో సర్వర్లుగా, బట్టల కొట్టుల్లో సేల్సుమేన్లుగా పనిచేస్తున్నారని అక్కడికి అదేదో ఘోరమైన తప్పిదమన్నట్లుగా మీడియా ప్రచారం చేస్తుంది.

వాస్తవానికి ప్రజల ఆసక్తులు , ఆశలు మారుతున్నాయి. వారు ఆధునిక జీవనవిధానానికి మారిపోతున్నారు. ప్రాచీన భారతీయ సంస్కృతికి నేటి ఇండియన్ సంస్కృతి కి మార్పు చాల ఎక్కువగా ఉంది. దానిని ఆపడానికి మతశక్తులు తీవ్రంగా ప్రయత్నిస్తున్నాయి. ప్రభుత్వము వ్యాపారుల చేతుల్లోఉంది. వ్యాపారులు ప్రజల ఆలోచనా విధానంలో మార్పును ఆశించడంలేదు. ప్రజలు ప్యూడల్ ధోరణిలో ఉంటే వ్యాపారులకు లాభాలకు కొదవవుండదు. అయితే వ్యాపారులు మాత్రం మారుతూఉన్నారు గానీ ప్రజల్లో ఆమార్పులు వారు ఆశించడంలేదు. అందుకే మతం చెక్కుచెదరకుండా ఉండాలంటే కులం ఉండాలి. కనుక కులవృత్తులు అంతరించిపోకుండా ఆర్ధిక సహాయం చేస్తుంది. ప్రజలు చేనేత వస్త్రాలు కొనడంలేదు. కుటీర పరిశ్రమలలో తయారౌతున్న వస్తువులను కొనడంలేదు. దేవతా శిల్పాలకు పూజలు చేయుటకు బదులుగా క్యాలెండరు దేవుడి బొమ్మలకు , ప్లాస్టిక్ దేవుని బొమ్మలకు పూజలు చేస్తున్నారు. కనుకనే ప్లాస్టిక్ ను వ్యతిరేకించండి అనే నినాదం ప్రభుత్వ శక్తులచే ప్రచారం చేయబడుతుంది. మాతృభాషను ప్రోత్సహించాలి అనే పేరుతో ఇంగ్లీషు భాషను ప్రజలకు దూరం చెయ్యాలనే ప్రయత్నాలు జరుగుతున్నాయి. మన భాషలో ఆంగ్ల పదాలు చేరకుండా నిరోధించడం కోసం కృషి జరుగుతుంది. మట్టి కుండల వాడకం తగ్గిపోయింది. అందుకే మంతెన సత్యన్నారాయణరాజు గారు వంటి మతప్రచారకులు మట్టి కుండల్లో పిడతల్లో వంటచెయ్యడం వల్ల తిరిగి ప్రజలను ప్రాచీన అలవాట్లవైపు మళ్ళించాని ప్రయత్నిస్తున్నారు. ప్రభుత్వము భజన సంఘాలకు ధనమిచ్చి ప్రోత్సహిస్తుంది. ఇంగ్లీషు భాషను నిషేదించాలని , భారత దేశాన్ని జంబూ ద్వీపంగా మార్చాలని ప్రయత్నం జరుగుతుంది. తద్వారా ఇండియాను హిందూ మత రాజ్యంగా మార్చాలనే వారి సంఖ్య ఎక్కువగానే ఉంది. ప్రాంతీయ తత్వాన్ని పెంపొందించుట, మాతృభాషలో బోధన, మతవిద్య, యోగ, ప్రకృతి వైద్యం, మాంసాహారం మాని ఆకులు, కాయలు, గింజలు తినుట, దేశ చరిత్రను మార్చిరాయుట, కళలను , కుటీర పరిశ్రమలను , చేనేత పరిశ్రమను ప్రోత్సహించుట వంటి చర్యలు తీసికొనుట ద్వారా మన సంస్కృతి సాంప్రదాయాలను కాపాడుకోవాలనే దిశగా ప్రభుత్వం కృషి చేస్తుంది. అయితే అందులో చిత్తశుద్ధి లేదు. రాజకీయ నాయకులు మాత్రమే ఖద్దరు దుస్తులు ధరిస్తున్నారు. వారి కుటుంబసభ్యులు అత్యంత ఆధునిక పోకడలతో ఉంటున్నారు. వారు ఇంగ్లీషు మీడియంలో చదువుతున్నారు. పబ్బులలో విహరిస్తున్నారు. కంపెనీ దుస్తులు ధరిస్తున్నారు. విమానాలలో కారులలో తిరుగుతున్నారు. వీరిని ఆదర్శంగా తీసుకొని ఇతరులు కూడా అమెరికా నాగరికతను ఫాలో అవుతున్నారు. అయితే ప్రజల ఆకాంక్షలను పట్టించుకోకుండా బలవంతంగా మతవిధానాలను వారిపై రుద్దాలని చూడడం నిష్పలం.

భావవాదులైన కమ్యూనిష్టులు కూడా ప్రభుత్వానికి వ్యతిరేకంగా మాట్లాడుతున్నాంగదా అని , కార్మికులకు అనుకూలంగా మాట్లాడుతున్నాం గదా అని మాతృభాష, అమెరికా వ్యతిరేకత తదితర అంశాలలో అయోమయంగా పాల్గొంటున్నారు. పిటీ...

భావవాదము- కళలు

2010-08-20T08:53:00.000+05:30

కళలు అంటే నైపుణ్యాలు. రతి కార్యమునకు సహాయపడే వివిధ నైపుణ్యాలను కళలు అంటారు. ఇవి 64 అని వాత్సాయనుడు చెప్పాడు. వీటిలో ప్రధానమైనవి లలితకళలు. ఇవి కవిత్వము, సంగీతము, నాట్యము, శిల్పము, చిత్రలేఖనము. కవిత్వము శృంగారాన్ని ప్రధానంగా వినిపిస్తుంది. నేటికాలంలోని ఏ సినీమాను చూసినా అందులో ప్రేమ ఎలా ఫలవంతమైనదో చూపబడుతుంది. పాటలు ఎక్కువగా శృంగారభావాత్మకంగా ఉంటాయి. సంగీతము లో ఎదుటివారిని వశపర్చుకునే శక్తిగలది అంటారు. నాట్యము అనగా కళాకారులు అనేపేరుతో స్త్రీలు ప్రదర్శించే వివిధ రతిభంగిమల ప్రదర్శనే నాట్యము. శిల్పము నందు చెక్కబడేవి శృంగారభంగిమలే. పూర్వము దేవాలయాలపై ఇవి తప్పనిసరిగా చెక్కబడియుండేవి. అలాగే చిత్రలేఖనము కూడ స్త్రీల నగ్నసౌందర్యాన్ని చిత్రించడమే చిత్రకళకు పరాకాష్టగా చెప్పవచ్చు. ఈ కళలు ఫ్యూడలే భావాలతోనిండి వుంటాయి. పూజాభావం, ఆత్మార్పణం వంటి వికారాలు కలుగుతాయి. మతభావనలు ప్రచారమునకు ఇవి ప్రధాన ఆయుధములుగా విలసిల్లినవి.

నేటి కమ్యూనిష్టుపార్టీలవారమనిచెప్పుకునేవారు పై చెప్పబడిన ఫ్యూడల్ ఆయుధములతో ఫ్యూడల్ సంస్కృతిని విమర్శిస్తూ పాటలద్వారా, కుంటినాట్యము ద్వారా ధనవంతుల మోసాల గురించి, ప్రభుత్వ పక్షపాతధోరణి గురించి ప్రబోధిస్తుంటారు. భావవాద ఆయుధములైన కళలతో భావవాదకమ్యూనిష్టు పార్టీలు భావవాద వ్యతిరేక ప్రచారం చేయబూనడం విడ్డూరంగదా.

భావవాదము- విద్యాభోధన

2010-07-28T19:42:00.004+05:30

భావవాదంలో మతవిద్య బోధింపబడుతుంది. మతవిద్య వల్ల వైదిక మత పూజారులు లాభ పడతారు. కనుకనే పూర్వం నుండి మన దేశంలో మతవిద్య బోధింపబడుతుంది. బ్రిటిష్ వారిని మనదేశం నుండి పంపిన తర్వాత సోషలిష్టు భావాలు గల నెహ్రూ, ఇందిర పాలించినంతకాలం వీరి మాట సాగలేదు. ఇందిరాజీ హత్య తర్వాత వచ్చిన ఆధునిక రాజీవ్ గారికి సోషలిష్టు ఆలోచనలు లేవు. తాను వైదీకుల ఆలోచనాధోరణిలోనే ఉన్నానని నమ్మించేందుకు తాను అనేక అవకతవక పనులకు పాల్పడవలసివచ్చింది. 1986 నూతన విద్యావిధానం పేరుతో తిరిగి ఇండియాలో మతవిద్యాబోధన ప్రారంభమైంది.

మతవిద్య అంటే అన్నిరకాల అభ్యసనం మతవిషయాలద్వారా నేర్పబడుతుంది. అంటే భాష నేర్పేవంకతో మతసంబంధమైన విషయాలు పాఠ్యాంశాలుగా వస్తాయి. విజ్ఞాన శాస్త్రబోధన పేరుతో వివిధ ఆత్మ రూపాల ద్వారా బోధన ఉంటుంది. అంటే సైకిలు దాని భాగాలు అనే పాఠం బోధించడానికి సైకిలు అనే ఆత్మ విద్యార్ధి కలలో కనిపించి తనని గురించి తాను చెప్పుకున్నట్లు ఉంటుంది. అలాగే సంగీతం నేర్చుకోవడానికి “ లంబోదర లకుమికరా ” అంటూ నేర్చుకోవాలి. నాట్యం నేర్చుకోవాలన్నా ఇలాగే “ స్వామి రారా ” అంటూ... ఇలా ఏవిషయం నేర్చుకోవాలన్నా అది మతంతో కలిసి ఉంటుంది. తద్వారా ఎవరైతే ఈ రకమైన విద్వ నేర్చుకుంటారో వారు తప్పనిసరిగా గుడికి వెళ్ళి టెంకాయ కొట్టేవారుగా తయారౌతారు. ఈ విద్యా విధానం ద్వారా అన్ని మతాలకు హాజరు పెరుగుతుంది. వివిధ మతస్థలాలు భక్తులతో కిటకిటలాడుతూంటాయి. తద్వారా పూజారులకే లాభం. ఈ విద్యా విధానం ద్వారా సమాజంలో ప్రశ్నించే తత్వం ఉండదు. ఎవరు ఏమి చెప్పినా నమ్మేవిధానం అలవడుతుంది. అందుకే “ చెవిలో పువ్వు పెట్టుకునేవాడికి చెప్పు. వాడు నువ్వేది చెప్పినా నమ్ముతాడు ” అనే డైలాగ్ వచ్చింది. ఈ విద్యా విధానం వల్ల నిర్ణయాలు తీసుకునే శక్తి నశిస్తుంది.

కనుక మతవిద్య అనేది భావవాదము ను అనుసరిస్తుంది. నేట కమ్యూనిష్టులమని చెప్పుకునేవారే భావవాదరూపంలో గతితార్కిక చారిత్రిక భౌతికవాదాన్ని చదువుకున్నందువల్ల వారు సరైన రూపం చూడలేకుండా ఉన్నారు. అంటే నేడు పుస్తుకాలు చదివి హోమియో వైద్యులౌతున్నట్లుగా సిపఐ వారికి ఒకరకంగా సిపియం వారికి ఒకరకంగా ఎంయల్ గ్రూపులవారికి మరోరకంగా కనిపించడానికి భావవాద రూపంలో మార్క్సిజాన్ని చదువుకోవడమే కారణం.

భావవాదము – విద్య

2010-07-28T19:42:00.001+05:30

భావవాదము – విద్య

భావవాదం-1

2010-07-27T20:21:00.001+05:30

భావవాదంలో ఒక్కడు అనే భావన ఉంటుంది. అనేక జట్లనుండి ఒక్కజట్టే గెలుస్తుంది. పార్టీలో ఒక్కడే నాయకుడు ఉంటాడు. పాటల పోటీల్లో, డాన్స్ పోటీల్లో ఒక్కరే గెలుస్తారు. ఇది ఫ్యూడల్ విధానంలో అయితే ఎవరు గెలుస్తారో నని కొందరు ముందే ఊహించి పందేలు కాస్తుంటారు. లాటరీ విధానానికి ప్రాధాన్యత ఉంటుంది.

ఎక్కడైతే నాయకుడు ఉంటాడో అదే భావవాదధోరణి. కమ్యూనిజంలో నాయకుడు ఉండడు. క్రింది స్థాయి నుండి పై స్థాయి వరకూ నాయకత్వాలు ఉండడం భావవాదం.

నమస్తే సార్ అని విష్ చెయ్యడం , అదీ చిన్నస్థాయి ఉద్యోగి - పైస్థాయి ఉద్యోగికి నమస్తే అని చెప్పడం ఫ్యూడలియంమైతే, వయసు రీత్యా పెద్దలకు చిన్నవాళ్ళు – అదీ ఉద్యోగ స్థాయితో నిమిత్తం లేకుండా విష్ చేయడం పెట్టుబడిదారీ విధానం. కమ్యూనిష్టు పార్టీలలో ఈ విష్ చేసుకునే సాంప్రదాయాలు ఫ్యూడల్ స్థాయిల్లో ఉంటున్నాయి. కదా... మరి వీరిని కమ్యూనిష్టులు అనవచ్చా?

అజాద్ అంతిమయాత్రలో భావవాద కమ్యూనిష్టుపార్టీలు

2010-07-25T21:02:00.001+05:30

అజాద్ అనే పేరుగల మావోయిష్టుపార్టీ కేంద్రకమిటీ స్థాయి నాయకుడు తన ప్రత్యర్ధులచే చంపబడ్డాడు. ఆపార్టీ సానుభూతిపరులు ఇది బూటకపు ఎన్కౌంటరనీ, రాజ్యాంగ విరుద్ధంగా చట్టవిరుద్ధంగా ఎక్కడో వేరేచోట పట్టుకొచ్చి, చంపి అడవిలో పడవేసినారని తమ ఆక్షేపణను తెలియజేశారు. అజాద్ ను చంపిన పోలీసులపై హత్యానేరంమోపి విచారణజరిపి జైలుశిక్ష విధించాలని మీడియా ద్వారా కోరారు.
టీవీల్లో అజాద్ శవాన్ని చూడడానికి వచ్చేవాళ్ళు శవానికి శాల్యూట్ చేసారు.పూలదండలు వేశారు.పాడెపై శవాన్ని ఊరేగించారు.శవదహనవిధి నిర్వహించారు. మతపరమైన ఆచారాలు చాలావరకు పాటించలేదు. శవానికి జండాలు కప్పడం, నమస్కారం పెట్టడం, శాల్యూట్ చేయడం, పిడికిలి బిగించి లాల్ సలామ్ చెయ్యడం , పాడెపై శవాన్ని ఉంచడం, జోహార్లు చెప్పడం ఇలాంటి పనులు భావవాదులవలె చేయడం జరిగింది. పుట్టెడు దుఖంలో ఉన్నప్పుడు బహుశా చనిపోయిన వ్యక్తి గౌరవార్ధం ఇలా చేయకతప్పదేమో. కమ్యూనిష్టు పార్టీలలో ఇటువంటి మతధోరణులు బలంగా పాదుకొని ఉండడం , మతధోరణులను గుర్తించలేకపోవడం సమంజసంగాదు.
ఒక్కడు / నాయకుడు / గొప్పవాడు / ప్రత్యేకింపదగినవాడు/ అగ్రకులసంజాతుడు/ మాటకారి/ ధైర్యసాహసములు గలవాడు / సమర్ధుడు / తగిన భావజాలము గలవాడు/ అన్ని కులములకు సమ ప్రాధాన్యత / హరిజన కామ్రెడ్ / సామ్రాజ్యవాదంపై పోరాటం / కవిత్వం, కళారూపాల ద్వారా ప్రచారం ఇవన్నీ భావవాద రూపాలే. భావవాద ధోరణులనుండి కమ్యూనిష్టు పార్టీలు బయటపడేదెన్నడు ...

జగన్ భవిష్యత్తు ఏమిటి?

2010-07-18T09:29:00.006+05:30

నేడు ప్రపంచమే పూజారుల సలహాలపై నడుస్తుంది. ఇండియాలో భ్రాహ్మణపూజారుల పెత్తనం కొనసాగుతుంది. ఇది అన్ని పార్టీలవలే కాంగ్రెస్ లో కూడ తెరవెనుకనుండి సోనియాను , తద్వారా భారత రాజకీయాలను కూడా శాసిస్తుంది. ఆంధ్రప్రదేశ్ లో కీ.శే.డా..రాజశేఖరరెడ్డిగారిది పార్టీలో కిరస్తానీ విభాగం. కనుకనే గతంలో కూడా హిందూ నాయకులు చిత్తుగా ఓడి చతికిలబడ్డతర్వాతే కిరస్తానీ విభాగపు నాయకునికి అధికార పోరులో గెలిచేందుకు పార్టీ ఆంధ్ర సంస్థానాధీశునిగా భాధ్యత అప్పగించబడింది. అయితే రాజశేఖర్రెడ్డిగారు అప్రతిహతంగా అపరచాణుక్యుడైన నారావారిని కట్టడిచేయగల ఏకైక నాయకునిగా ఎదగడమే కాకుండా కేంద్రనాయకత్వ పగ్గాలుకూడా చేజిక్కించుకునేంత ప్రమాదమేర్పడిన తరుణంలో రానున్నప్రమాదాన్ని గుర్తించిందా అన్నట్లుగా సదరు వర్గం ముఖ్యమైన నాలుగు పార్టులు పెకలించివేయబడిన తూనీమానంతో అతణ్ణి కాషాయగ్యాసర్తో అశాసినేట్ చేయించినతర్వాత ప్రస్తుతము అవకాశమున్నదిగనుక వాని వారసునికి గద్దెనందనీయక సహజవ్యాపారివేత్తను బానిసరాజుగా నియమించడంకూడా ఆ పూజారివర్గం సలహాపై ఆధారపడిచేసినవే . ఒకవేళ జగన్ మతంమార్చుకుంటే అతనికి ముఖ్యమంత్రి బాధ్యతలు అప్పగించడానికి అధిష్ఠానజోరీగలకు అభ్యంతరములుండకపోవచ్చునుగాక. లేనియడల మరలా హిందూప్రతినిధులంతా తుక్కుకిందగా నాచంబానా చే కొట్టబడిన తర్వాత గానీ ఈ కిరస్తానీ రెడ్డిగారికి నాయకత్వబాధ్యతలు అప్పగింపబడే అవకాశం రాదు. ఈ విషయం జగన్ కు తెలుసుగనుకనే ఎవరెంత రెచ్చగొట్టినా, నెట్టినా, తిట్టినా రోషం తెచ్చుకోక, చూరుపట్టుకు వేలాడుతున్నాడు. ఇతడు ఏనాటికీ పార్టీని వీడడు, తన పోరాటం ఆపడు. మడిమ తిప్పడు.

విద్యా హక్కు

2010-04-02T16:33:00.008+05:30

ఏప్రిల్ ఒకటవ తేదీ నుండి భారతదేశంలో విద్యాహక్కు చట్టం అమలులోనికి వచ్చింది. దీని గురించి అంటే 3-5 మధ్య గల ప్రీ ప్రైమరీ స్థాయి లోని బాలబాలికలకు పౌష్టికాహారం లభించే అవకాశం పోతున్నందుకు, 9వ తరగతి నుండి ఇంటర్ వరకూ గల ఉచిత విద్యా అనేస్కీము రద్దు అవుతున్నందులకూ దాదాపు ఆందరు ఉపాధ్యాయులు తమ అసంతృప్తిని వ్యక్తపరిచారు. ఆరవ సంవత్సరం నుండి పదమూడవ సంవత్సరాల మధ్య ఉన్న బాలబాలికలకు మాత్రమే ఈ హక్కు కల్పించబడిందని గొప్పలు చెప్పుకుంటున్నారు. దీని పేరు లో హక్కు అనే శబ్దాలు ఉన్నప్పటికీ ఇది హక్కుకాదు. ఎందుకంటే హక్కు అంటే కావాలనడానికీ వద్దనడానికీ అవకాశం ఉండాలి. 8-13 సంవత్సరాల మద్య వయసు గల వారు చదువుకుంటాను అనే హక్కుమాత్రమే ఉంది కానీ చదువుకోను అనేహక్కులేదు. దీనికి మరో వచిత్రమైన పేరు నిర్బంధవిద్యాహక్కు అని. పై పటంలో చూపిన చిత్తు కాగితాలు ఏరుకునే బాలబాలికలు సెల్ఫ్ ఎంప్లాయ్ మెంట్ స్కీం క్రింద పనిచేసుకుంటున్నారు. ఇకనుండి వీరు స్కూలుకు వెళ్ళి చదువుకోవాలట. వారికి స్కూలుకు వెళ్ళడం ఇష్టము లేకపోయినట్లయితే వారిని మనం స్కూలుకు రమ్మన్నా రారు. దూరంగా పారిపోతారు.

కనుక ఇప్పుడు చిదంబరం గారు ఏం చెయ్యాలి... జూనియర్ గ్రే హౌండ్స్ దళాల్ని ఏర్పాటు చెయ్యాలి. కనీసం ఇదన్నా వాళ్ళవల్ల అవుతుందా...నాకుడౌటే

39శాతం పిట్మెంటుతో 2008 పి.ఆర్.సి.

2010-01-31T13:05:00.003+05:30

PRC FIXATION on 1/7/2008
...............................................
Basic D.A. Pitment
PAY 42.39% 39.00 Total Stage
-----------------------------------------------
3850 1632.02 1501.50 6984 7100
3950 1674.41 1540.50 7165 7300
4050 1716.80 1579.50 7346 7520
4150 1759.19 1618.50 7528 7740
4260 1805.81 1661.40 7727 7740
4370 1852.44 1704.30 7927 7960
4480 1899.07 1747.20 8126 8200
4595 1947.82 1792.05 8335 8440
4710 1996.57 1836.90 8543 8680
4825 2045.32 1881.75 8752 8940
4950 2098.31 1930.50 8979 9200
5075 2151.29 1979.25 9206 9460
5200 2204.28 2028.00 9432 9460
5335 2261.51 2080.65 9677 9740
5470 2318.73 2133.30 9922 10020
5605 2375.96 2185.95 10167 10300
5750 2437.43 2242.50 10430 10600
5895 2498.89 2299.05 10693 10900
6040 2560.36 2355.60 10956 11200
6195 2626.06 2416.05 11237 11530
6350 2691.77 2476.50 11518 11530
6505 2757.47 2536.95 11799 11860
6675 2829.53 2603.25 12108 12190
6845 2901.60 2669.55 12416 12550
7015 2973.66 2735.85 12725 12910
7200 3052.08 2808.00 13060 13270
7385 3130.50 2880.15 13396 13660
7570 3208.92 2952.30 13731 14050
7770 3293.70 3030.30 14094 14440
7970 3378.48 3108.30 14457 14860
8170 3463.26 3186.30 14820 14860
8385 3554.40 3270.15 15210 15280
8600 3645.54 3354.00 15600 15700
8815 3736.68 3437.85 15990 16150
9050 3836.30 3529.50 16416 16600
9285 3935.91 3621.15 16842 17050
9520 4035.53 3712.80 17268 17540
9775 4143.62 3812.25 17731 18030
10030 4251.72 3911.70 18193 18520
10285 4359.81 4011.15 18656 19050
10565 4478.50 4120.35 19164 19580
10845 4597.20 4229.55 19672 20110
11125 4715.89 4338.75 20180 20680
11440 4849.42 4461.60 20751 21250
11755 4982.94 4584.45 21322 21820
12070 5116.47 4707.30 21894 22430
12385 5250.00 4830.15 22465 23040
12700 5383.53 4953.00 23037 23650
13030 5523.42 5081.70 23635 23650
13390 5676.02 5222.10 24288 24300
13750 5828.63 5362.50 24941 24950
14175 6008.78 5528.25 25712 26300
14600 6188.94 5694.00 26483 27000
15025 6369.10 5859.75 27254 27700
15500 6570.45 6045.00 28115 28450
15975 6771.80 6230.25 28977 29200
16450 6973.16 6415.50 29839 29950
16925 7174.51 6600.75 30700 30750
17475 7407.65 6815.25 31698 31550
18025 7640.80 7029.75 32696 33200
18575 7873.94 7244.25 33693 34050
19125 8107.09 7458.75 34691 34900
19675 8340.23 7673.25 35688 35800
20300 8605.17 7917.00 36822 37600
20925 8870.11 8160.75 37956 38570
21550 9135.05 8404.50 39090 39540
22175 9399.98 8648.25 40223 40510
22800 9664.92 8892.00 41357 41550
23500 9961.65 9165.00 42627 43630
24200 10258.38 9438.00 43896 44740
24900 10555.11 9711.00 45166 45850
25600 10851.84 9984.00 46436 46960
26300 11148.57 10257.00 47706 48160
27000 11445.30 10530.00 48975 49360
27750 11763.23 10822.50 50336 50560
28500 12081.15 11115.00 51696 51760
29250 12399.08 11407.50 53057 53060
30000 12717.00 11700.00 54417 55660
30765 13041.28 11998.35 55805 -----

అవతార్ సినిమాపై రివ్యూ

2010-01-12T14:46:00.000+05:30

ధనమదోన్మత్తునిచే నిర్మితమైన భీభత్సరనప్రధాన నిష్ఫలచిత్రం అవతార్. “ అయ్య అవతారం పుగతోటేసినట్టుంది ” అనే సామెత ఈ చిత్రనిర్మాతకు బాగా సరిపోతుంది. తనకో డాలరు లాభమొస్తేచాలు ప్రశాంత జీవులనెనా, అమాయకులనయినా నిర్దాక్షిణ్యంగా, అత్యంత క్రూరంగా హింసించి చంపే అమెరికన్ల ప్రవర్తనారీతిని దర్శకుడు చక్కగా చూపించాడు. భూస్వామ్య సంస్కృతిలో భాగంగా మానవులకు ఆత్మవుంటుందనే కాన్సెప్టును సైన్టిష్టులు అంగీకరించినట్లు చూపిన ప్రధమ ప్రయత్నం ఇందులో జరిగింది. తోకను కలిగి వుండడం, ఆర్యుల దేవుని వాహనమును వాహకములుగా చూపడం చూస్తుంటే దీనికి కథను సమకూర్చిందోయిండియ నేమో?

C.M. గా జగన్‌ను నియమించకపోవడానికి కాంగ్రెస్ హై కమాండ్‌కు గల 2 కారణాలు

2009-09-12T16:27:00.000+05:30

వైయ్యస్ రాజశేఖరరెడ్డి మరణానికి గల కారణాలను వెలికితీయడంలో కాంగ్రెస్ హై కమాండ్ ఆహ్లాదకరంగా వ్యవహరించుతూంది. వైయ్యస్ రాజశేఖరరెడ్డి హైకమాండ్‌ను ఏవిషయంలోనూ ప్రాధేయపడకుండా చక్కని పరిపాలన సాగించుచు ప్రజలందరి మన్ననలు పొందుతున్నారు. హైకమాండ్ లోని కొందరి పెద్దల సహజ అవసరాలు వైయ్యస్ ద్వారా నెరవేరడం లేదు. తమ వర్గానికి చెందిన ఏ ఎదవకైనా ఓ మంత్రి పదవి ఇప్పించుకోలేక పోయారు. హైకమాండును ఎటువంటి సలహాలు కోరకుండానే ఒంటి చేత్తో పార్టీని గెలిపించాడు. దాదాపుగా ఓ నియంత లాగా వాళ్ళ దృష్టిలో వాళ్ళు వైయ్యన్ ను భావించారు. కనుకనే వైయ్యస్ అదృశ్యవార్త విని మహదానందంగా నూతనోత్సాహంతో దు:ఖించారు.
1. వచ్చిన అవకాశం వదులుకొని మళ్ళా అధికారాన్ని జగన్ కు ఇవ్వడం హైకమాండ్ కు ఇష్టం లేదు. ఎందుకంటే జగన్ ప్రక్కన కెవిపి ఉన్నంతవరకూ అధికారం జగన్ కు ఇవ్వరు. ఎందుకంటే జగన్ కు హైకమాండ్ అంటే వా. రవి కాదు, మాయలఫకీరయిన ప్రణబ్ కాదు. కేవలం కేవీపీ రామచంద్రరావే.
2. ప్రమాదం జరగడానికి ఏవియేషన్ అధికారుల సహకారం తీసుకున్నవారు ప్రమాదం ఎలాజరిగిందో ఎంక్వైరీ చేయడానికి అష్టాచమ్మాలాగా తలాకాసేపు ధోరణిలో పరిశోధనాగేం ఆడేస్తున్నారు. ఈ పరిస్తితుల్లో ఒక వేళ జగన్ కే ముఖ్యమంత్రి పదవి ఇస్తే అతడు ఖచ్చితమైన ఎంక్వైరీ చేయించే ప్రమాదముంది. అప్పుడు తమ బండారం బట్టబయలౌతుంది. కనుక అతనికి ముఖ్యమంత్రి స్థానం ఇవ్వలేదు. భవిష్యత్తులో ఇచ్చే అవకాశంలేదు.
3. హెలీకాఫ్టర్ లో ప్రయాణిస్తున్నవారు ఏం మాట్లాడారో తెలిశాక ( అంటే ఈ ప్రమాదం జరగడానికి హైకమాండ్ కారణమనే సంగతి. లేదా ఎవరో హెలీకాఫ్టర్ ను కావాలని పాడు చేశారనే విషయం పైలెట్లు గ్రహించి ఆవిషయాన్ని ముఖ్యమంత్రితో చెప్పే సంభాషణలు ) ఆపాటికే జగన్ సియ్యంగా ఉంటే పార్టీని తొంభైశాతం దాకా చీల్చి వేరే పార్టీ పెట్టే అవకాశం ఉంది. కనుకనే జగన్ కు సియ్యంగా ఇవ్వరు.
4. రోశయ్యగారు కాబట్టి సియ్యం ప్రయాణిస్తున్న హెలీకాఫ్టర్ జాడ తెలియలేదు అని తెలియగానే టి.వి. ప్రకటన ద్వారా ఎరుకలవాళ్ళు, యానాదుల వాళ్ళు దయచేసి అడవిలోకిపోయి వెతకండి అని కోరినాడు. అదే జగన్ అయితే పోలీసులను కోరివుండేవాడు.
5. చెట్లమీద హెలీకాఫ్టర్ దిగడంవల్ల సియ్యం గారికి దెబ్బలు తగిలి ఉంటాయనే 40 ఫొటోలు తీసి దానిలో సియ్యంగారూ, ఇతరులూ ప్రాణాలతో లేరని నిర్ధారించుకుని తర్వాత శవాలను తేవడానికి ప్రయత్నం జరిగింది.
6. బహుశా జనాన్ని మాయచేయడానికి , జగన్‌కు జనాన్ని దూరం చెయ్యడానికి ఏదైనా అభూతకల్పనలు సృస్ఠించవచ్చు, నిందలను సృష్ఠించవచ్చు.
కాలం ఎప్పుడూ ఒక్కలా ఉండదుగదా. ఇన్నాళ్ళకు కొందరికి పరిపాలించుకునే మహదావకాశం వచ్చింది. మరో నాలుగేళ్ళు వాళ్ళు ఎంజాయ్ చేద్దామనుకుంటున్నారు.
అటువంటి వారికి ప్రజలు చేతితో చెబుతారో కాలితోచెబుతారోగానీ మంచి సమాధానం చెబుతారని ఆశిద్దాం.

విషపూరితమౌతున్న తెలుగు భాష

2009-06-30T22:50:00.001+05:30

తెలుగు భాషను గురించి ఆలోచన చేస్తుంటే చాలా భయంగా ఉంటుంది. ఎందుకంటే తెలుగు భాష అనేక విధములైన ఆటుపోట్లను ఎదుర్కొంటుంది. మనం వ్రాస్తున్నదీ , సంభాషిస్తుందీ తెలుగు కాదు. నిజానికి భారతదేశంలోని భాషలేకాదు, దాని పరిసర దేశాలలోని భాషలు కూడా ఈ రకమైన సంక్షోభంలో ఉన్నాయి. ఈ భాషలలో మృత భాష అయిన సంస్కృత భాషను బలవంతంగా, ప్రయత్న పూర్వకంగా చొప్పించ బడుతుంది. ఉదాహరణకు తెలుగు భాషను బలోపేతం చేయడమనే ప్రయత్నంలో భాగంగా సంస్కృత భాషను కొందరు పండితులు ప్రవేశపెట్టారు. ఆంధ్ర ప్రదేశ్ ప్రభుత్వ ప్రచురణ అయిన ఒకటవ తరగతి తెలుగు పుస్తకం ఒకసారి చూడండి. అందులో తెలుగు పదాల కంటే సంస్కృత పదాలే ఎక్కువగా ఉన్నాయి. అవే బలవంతంగా తెలుగు పేరుతో నేర్పబడుతున్నాయి. తెలుగు భాషలో అందుబాటులో లేని పదాలను సంస్కృత భాషనుండి తెచ్చుకోవడంలో తప్పులేదు కానీ , తెలుగులో మంచి పదాలున్నప్పటికీ వాటికి బదులుగా సంస్కృత భాషలోని పదాలు వాడడమే గొప్పగా భావించబడుతుంది. తేనెలూరు తెలుగు రుచి సంస్కృతంతో సంకరమైన భాషలో ఉండదు. తెలుగు భాషాభివృద్ధికి సంస్కృత భాషా పండితులే నాయకత్వం వహించి వివిధ ఉద్యమాలు, కార్యక్రమాలు నడపడం మన దౌర్భాగ్యం.
నిజమైన తెలుగు మాట్లాడేవారికి ద్విత్వాక్షరపదాలు మాత్రమే పలుకగలరు. సంయుక్తాక్షరాలు పలుకలేరు. సంయుక్తాక్షర పదాలను కూడా అందమైన తెలుగు యాసలో విరిచి మాట్లాడగలరు. మాయాబజారు చిత్రంలో అసమదీయులు, తసమదీయులు లాగా. పూర్వకాలపు పండితులకు ఈ సంస్కృత భాషాదురభిమానం బహుశా లేకుండుటచే కాబోలు డేవిడ్ ,జోసఫ్ , జీజస్ వంటి పేర్లు కూడా దావీదు, యోసేపు ,యేసు , జోజప్ప, జేసువు ఇలా అనువదింపబడ్డాయి.
ఒకవిధంగా చూస్తే తెలుగు భాషపై ఓ దీర్ఘకాలిక కుట్ర జరిగినట్లు కన్పిస్తుంది. అది క్రమేపి బలపడుతుంది. సాధారణ ప్రజలకు ఈ విషయాలు అర్ధం కావడం కష్టం. కనుక ఓ మృతభాషాసంకలితం చేయబడినందున మన భాషలు కూడా మృత్యుకళతో ప్రకాశిస్తున్నాయి. ఇట్స్ టూ లేట్. మనమేంచెయ్యలేం. లీవిట్.

ఉచిత సాఫ్టువేర్లు

2009-05-06T19:41:00.001+05:30

ఆడియో, వీడియో లకు సంబంధించిన ఉచిత సాఫ్టువేర్లు అందించే వెబ్‌సైటు అడ్రస్సు http://www.avs4you.com/
ఏవియస్4యూ నుండి వీడియో కన్వర్టర్, ఏవియస్ వీడియో ఎడిటర్, వీడియో రీమేకర్ ద్వాగా వీడియోలోని అవసరం లేని భాగాలను కట్ చేసుకోవచ్చు. , ఆడియో కన్వర్టర్ , ఆడియో ఎడిటర్, బేకప్ తీసుకొనుటకు, రిజిష్ట్రీ క్లీనర్, డివిడి కాపీయర్, వీడియో రికార్డర్ ..తదితర ఉచిత సాఫ్టువేర్లు లభిస్తున్నాయి. ఖాళీ సమయముంటే ఎంజాయ్ చెయ్యండి

రాజకీయాల్లోకి మనం ఎలా ఎంటర్ అవ్వాలి...

2009-04-10T17:45:00.002+05:30

ప్రజాస్వామ్యమంటే ప్రజల నుండి, ప్రజల కొరకు , ప్రజల చేత ఎన్నుకోబడిన ప్రభుత్వం, అంటే, అవును పైకి కన్పిస్తున్నవిధంగా ఇది ఒక్కరి చేత నిరంకుశంగా పాలింపబడడం కాదు , ప్రతి నిర్ణయం వెనుక అనేకమంది ఉన్నారు అని సంతోషించేవాళ్ళు చాలామంది ఉన్నారు. అందులో మీరు కూడా ఉన్నారనే ఉద్దేశ్యంతో ఈ టపా రాస్తున్నాను.
కొన్ని విషయాలు మీరు కూడా అంగీకరిస్తారు. ప్రజల కొరకు అంటే వ్యాపారుల కొరకు లేదా ధనవంతుల కొఱకు. ఎన్నికలలో పోటీ చేస్తున్న అభ్యర్ధి ఏమని ప్రామిస్ చేస్తాడంటే ‘ వస్తువుల ధరలు పెంచకుండా వ్యాపారులనూ, ధనవంతులనూ కంట్రోలు చేస్తానని పేదలకు వాగ్దానం చేస్తాడు, అలాగే పేదలు తిరగబడి తన్నకుండా మిమ్మల్ని కాపాడుతానని ’ వ్యాపారులకూ, ధనవంతులకూ వాగ్దానం చేస్తాడు. అయితే వ్యాపారులనూ, ధనవంతుల పక్షాన్నే ఎక్కువగా ఉంటాడు.
ప్రజల నుండి అంటే ప్రజలు ఎవరైనా ఎన్నికలలో పోటీచేయవచ్చుననుకోకండి. వాడు 5వేలో 10వేలో ధరావత్తు చెల్లించగలవాడై యుండాలి. అతడ్ని ప్రపోజ్ చేసేవాళ్ళు కూడ ఉండాలి. పదివేలున్నాయిగదాని నామినేషను వేయబోయేరు గనుక , జాగ్రత్త ఇరగదంతారు. ఎప్పుడైనా ఏదైనా టెండరు వేసివుంటే గనుక అనుభవం వచ్చివుండును. గతంలో రాచరిక పద్ధతుల ప్రకారం రాజు కొడుకు రాజయ్యేవాడు. నేటి ప్రజాస్వామ్యం ప్రకారం రాజులు, వారి వారసులూ, భూస్వాములూ, జమీందారులూ వారి ప్రాంతాలనుంచే కాకుండా దేశంలో ఎక్కడ నుంచైనా పోటీచెయ్యవచ్చునని అర్థం. నేడు చాలామంది రాజకీయాలను అపార్థం చేసుకుంటున్నారు. నేను పార్టీలో ముందునుంచీ ఉన్నానుగదా, చిరు సినిమా రిలీజుకు పోష్టర్లు కట్టానుగనుకా... ఇవి పోటీ చేయడానికి క్వాలిఫికేషన్స్ కావు.
ప్రజల చేత అంటే మనంతా మనకు నచ్చిన భూస్వామినో, ధనవంతుడినో , జమీందారునో ఓటు ద్వారా ఎంచుకోవచ్చు. కనుక లోకసత్తాలాంటి మాటల పార్టీవాళ్ళు రాజకీయాల్లోకి ప్రవేశించడం దండగ. ( డబ్బు గలవారికి సీటు ఇచ్చిఉండకపోయుంటే )
ఇది పేరుకి ప్రజాస్వామ్యమే గాని నిజంగా ప్రజా ప్రతినిధులు పరిపాలనా విషయాల్లో కలుగజేసుకోరు. నిర్ణయాన్ని పైవారికే వదిలేస్తారు. ఒక రాజు ఎడల సేవకుడు ప్రవర్తించినట్లు లొంగుబాటు ప్రదర్శిస్తారు. తమ క్రింది వాళ్ళు కూడా అలాగే ఉండాలని కోరుతూంటారు. తెలంగాళా ఇవ్వాలా వద్దా అనే నిర్ణయం సోనియాగారే చేయాలని కోరడానికి కారణం ఇదే. దేశానికి రాజు లేక రాణి సోనియా అనుకుంటే , ఆ స్థాయిలో గతంలో పోటీ పడిన పి.వి., శరద్‌పవార్,సంగ్మా వంటివారు దీనికి ఉదాహరణ. మన రాష్ట్రంలో వైయ్యస్సు కు డియ్యస్సు, హనుమంతు, వగైరాలు పోటీ . వీరిలో ఎవరినైనా ముఖ్యమంత్రిగా ఎంచుకొని అధికారం అప్పగించే అవకాశం సోనియా వద్ద ఎప్పుడూ ఉంటుంది. అలాగే మన జిల్లాల్లో మంత్రులుగా ఎంచుకునేందుకు ప్రతి ప్రాంతం నుండి నలుగురైదుగురుంటారు . వారిలో ఎవరో ఒకర్ని ఎంచుకునే స్వేచ్చ వైయ్యస్కు ఎప్పుడూ ఉంటుంది. అధికారం అలా అంచలంచలుగా పైకీ క్రిందికీ నిర్మాణమై యుంటుంది. ప్రతి ప్రాంతంలో ఎస్సీ,ఎస్టీ,మహిళ, మైనార్టీ, ప్రధాన కులానికిచెందిన నాయకులు ఆయా సామాజిక వర్గాలకు సంబంధించి పైస్థాయికి సంబంధించిన ఆయానాయకుల తాలూకూ ప్రాతినిధ్యం ఉండాలి. అంటే వైయస్సార్ తాలూకూ ఎస్సీ,ఎస్టీ,మహిళ, మైనార్టీ, ప్రధాన కులానికిచెందిన నాయకులు ఆయా సామాజిక వర్గాలకు సంబంధించిన వ్యక్తులూ, డియ్యస్కు సంబంధించిన ఎస్సీ,ఎస్టీ,మహిళ, మైనార్టీ, ప్రధాన కులానికిచెందిన నాయకులు ఆయా సామాజిక వర్గాలకు చెందిన వ్యక్తులూ .... ఇలా నిర్మాణం ఉంటుంది. కాబట్టి ఆయా స్థాయీలలో ఎల్లప్పుడూ నాయకత్వంకై పోరాటం జరుగుతూ ఉంటూంది. అంటే ప్రతి నాయకుడికీ ఓ గాడ్‌ఫాదర్ పైస్థాయిలో ఉండాలి . కాబట్టి ఓటువేసే ప్రతివ్యక్తికి కూడా పైస్థాయిలో ఓ నాయకుడు కావాలి. అంటే మన వీధిలో లేక వార్డులో ఉన్న ఛోటా నాయకులలో ఎవర్నో ఒకర్ని మనం ఎంచుకోవాలి. అతనితో ఇలా చెప్పాలి. సార్. మీరు ఎవరికి ఓటు వెయ్యమంటే మేము వారికి వేస్తాము. మీరు ఎప్పుడు ఎ మీటేంగుకు రమ్మంటే అప్పుడు మా పని మానుకుని వస్తాము. ( దానికి పేమెంటు అతడిస్తాడు . డోంట్ వర్రీ ) మాకు ఏదైనా ప్రభుత్వసహాయం కావాల్సివచ్చినా మీరు ఇప్పించాలి. రౌడీలనుంచీ , పోలీసులనుంచి మమ్మల్ని కాపాడాలి. అని మనం ఓ అణు వొప్పందం లాంటి అగ్రిమెంట్ చేసుకోవాలి . నేనెందుకు ఓటెయ్యాలి అని ఎవరైనా నిర్లక్షంగా ప్రవర్తిస్తే వాళ్ళకే నష్టం . మనం కూడా ఓమాదిరి నాయకుడిలాగా మారాలి. మన ఇంటిప్రక్కన ఉండేవాళ్ళని బాగా మంచిచేసుకుని వాళ్ళ బ్రెయిన్ వాష్ చేసి మన కంట్రోలులో పెట్టుకోవాలి . కనీసం నలుగురైదుగురుతో ఓజట్టు కడితే తద్వారా మన వీధి నాయకుడి నుంచి మంచి గౌరవం లాభం పొందవచ్చు. ఇది ఒకటవ రాజకీయ పాఠం. ఏమైనా డౌట్స్ ఉంటే దయచేసి వ్యాఖ్యానంతో సంప్రదించండి.
సదా మీ సేవలో ,
ఇట్లు,
మీ ఏరియా రింగ్ మాస్టర్.

నవకవిత- సరదాపాట – 9వ తరగతి విద్యార్ధి పరిశీలన

2009-03-11T11:16:00.000+05:30

( శ్రీశ్రీ రాసిన ‘నవ కవిత’కు జరుక్ శాస్త్రి రాసిన పేరడీ ‘ సరదా పాట ’ 9వ తరగతి తెలుగు పాఠ్య పుస్తకంలో ఉంది. ‘ నవ కవిత ’ ( శ్రీశ్రీ ) ను, ‘ సరదా పాట ’ ( జరుక్ శాస్త్రి ) ను తులనాత్మక పరిశీలన కోసం 9వ తరగతి విద్యార్ధుల దృష్టిలో పెడితే - ఎం. వెంకటేష్ అనే విద్యార్ధి స్పందనే ఈ వ్యాసం ) - సం.
శ్రీశ్రీ నవకవిత మనకు గుండెల్లో చైతన్యాన్ని ప్రసరిస్తుంది. జరుక్ శాస్త్రి రాసిన సరదా పాట వింటుంటే నవకవిత దగ్గర పనికిరాని కవితలా అనిపిస్తుంది. శ్రీశ్రీ రాసిన నవకవిత ఎంతో ఆసక్తికరంగా ఉంటే జరుక్ శాస్త్రి రాసిన పేరడీ సరదాపాట – శ్రీశ్రీ రాసిన నవకవితను ఎగతాళి చేసింది. శ్రీశ్రీ రాసిన నవకవిత వింటుంటే ఒక విధమైన కదలికల్ని ఇస్తుంది. జరుక్ శాస్త్రి రాసిన పేరడీ వింటుంటే చెడ్డ కవితలా అనిపిస్తుంది.
శ్రీశ్రీ నవకవితకు సింధూరం తీసుకుంటే జరుక్ శాస్త్రి ఆవకాయ , పెసరప్పడం సరదా పాటకు తీసుకున్నారు. సింధూరం ఎర్రగా అన్నిటికన్నా ప్రాముఖ్యం కలిగి ఉంటుంది. అది ఉదయించే సూర్యునికి చిహ్నం .అలాంటి సింధూరాన్ని శ్రీశ్రీ నవకవితకు తీసుకొని ఆకవితకు ప్రాముఖ్యం కలుగజేయాలనుకున్వాడు. జరుక్ శాస్త్రి ఆవకాయ , పెసరప్పడం తీసుకున్నాడు. ఈయన రాసినవి తిండిపోతు ఆలోచనలను పెంచుతుంది.
జరుక్ శాస్త్రి సరదాపాట ద్వారా తెలిసిందేమిటంటే- శ్రీశ్రీని చులకనగా చేయడం. శ్రీశ్రీ నవకవిత జీవితానికి ఉపయోగపడుతుంది. జరుక్ రాసిన పేరడీని ఎవరూ పట్టించుకోరు.
నవకవితకు ఎగతాళిగా ,చులకనగా జరుక్ శాస్త్రి రాశాడు. ఇటువంటి కవితలను రాయడానికి జరుక్ శాస్త్రికి ఎలా బుద్ధి పుట్టింది? పులి చంపిన లేడి నెత్తురు శ్రీశ్రీ నవకవితకు తీసుకుంటే జరుక్ తెగిపోయిన పాత చెప్పులూ, పిచ్చోడి ప్రతాపం కోపం సరదాపాటకు సామానులుగా తీసుకున్నాడు. పులిచంపిన లేడి నెత్తురు పులిమీద కోపంతో ఉంటుంది. జరుక్ సరదాపాట పిచ్చోడి వాగుడులాగుంది. కాబట్టి మనం వాటిని తెగిపోయిన పాతచెప్పుల్లా బయటకు పారవేయాలి. పిచ్చోడు తన పరిధిలో తాను నడుచుకోలేడు. అలాంటి వాడి కోపం దేనికి పనికివస్తుంది? పిచ్చోడిని అందరూ పట్టించుకోరు. అదేవిధంగా జరుక్ శాస్త్రిని కూడా.
శ్రీశ్రీ కవిత వినడానికి చురుక్కుమంటుంది. ఇంకా వినాలనిపిస్తుంది. జరుక్ పేరడీ చెత్తగా ఉంటుంది. నవకవితకు శ్రీశ్రీ రుద్రాళిక, నయనజ్వాలిక, కలకత్తా కాళిక నాలిక తీసుకుంటే- జరుక్ శాస్త్రి వైజాగ్ లో కారాకిళ్ళీ సామానుగా తీసుకున్నాడు. రుద్రమదేవి కళ్ళల్లో మంటలు దుర్మార్గుల్ని చీల్చినంత వేగంగా ఉంటాయి. కలకత్తా కాళికా దేవి యొక్క నాలిక శత్రువుల్ని చీల్చగలిగే సామర్ధ్యం కలిగిఉంటుంది. వాటిని త్రోసి, ఉల్లంఘించి జరుక్ శాస్త్రి వైజాగ్ లో కారాకిళ్ళీ సామానులుగా తీనుకున్నాడు. వైజాగ్ లో కారాకిళ్ళీ ఎలా ఉంటుందో నాకు తెలియదుగానీ కిళ్ళీ అనేది ఒక చెడు వ్యసనమని తెలుసు.
శ్రీశ్రీ నవకవిత పిల్లలను ఉత్తేజపరచి, మంచివారుగా మారాలని చెబుతుంటే , సరదాపాట పిల్లలకు చెడ్డ భావాలను చెబుతుంది.. సరదాపాట అంటే సరదాగా మనసు వికసించేలా ఉండాలి కానీ ; ఈ సరదాపాట ఒకరిని ఎగతాళిచేసి రాసి, వారిపై చులకన భావం చూపింది.
శ్రీరంగం శ్రీనివాసరావు – ఘాటెక్కిన గంథక ధూమం, పోటెత్తిన సప్తసముద్రాలు నవకవితకు తీసుకున్నాడు. జరుక్ తుప్పుపట్టిన మోటారు చక్రం, తగ్గించిన చిమ్నీ దీపం తీనుకున్నాడు. ఘాటెక్కిన గంధక ధూమం చూస్తే దానికి చాలా శక్తి ఉంటుంది. ఏడు సముద్రాలు పోటెత్తినప్పుడు చూస్తే ఉప్పొంగి కనిపిస్తుంది. అలాంటి వాటిని శ్రీశ్రీ నవకవితకు తీసికొని దుర్మార్గులను భయాందోళనలకు గురిచేయాలనుకున్నాడు. అలాంటివాటిని ప్రక్కన పెట్టి జరుక్ శాస్త్రి తుప్పుపట్టే మోటారు చక్రం తీసుకొని ఏమిచెయ్యాలనుకున్నాడు? పిల్లలను భవిష్యత్తులో బాగు చెయ్యాలని లేదా?
శ్రీశ్రీ – వికశించిన విద్యుత్తేజం నవకవితకు తీసుకున్నాడు. విద్యుత్తు వేగం వికశించినప్పుడు కళ్ళకు ఒక విధమైన చైతన్యం కలుగుతుంది. అలాంటి వాటిని విడిచి జరుక్ శాస్త్రి మహ ఊరిన రంపప్పొట్టు సామానుగా తీసుకున్నాడు. రంపప్పొట్టు మహ ఊరినప్పుడు చెడువాసన వస్తుంది. అలాంటి రంపప్పొట్టు దేనికి పనికివస్తుంది . అందుకే అతని కవితలు కూడా మహ ఊరిన రంపప్పొట్టులా చెడుగా ఉన్నాయి. కవితలు అంటే మనసుకు వికాసాన్నీ , ఆనందాన్నీ కలిగించాలి.
శ్రీశ్రీ చెలరేగిన జనసమ్మర్ధం నవకవితకు కోరుకుంటే జరుక్ శాస్త్రి రాసిన సరదాపాటకు విసిరేసిన విస్తరి మెతుకులు వాడారు. శ్రీశ్రీ చెలరేగిన జనసమ్మర్ధాన్ని తీసుకొని ప్రజలను చలరేగించాలని కోరాడు. కానీ వాటిని తిరస్కరించి జరుక్ పనికిరాని విస్తరి మెతుకులు వాడాడు. ఇవి దేనికి పనికివస్తాయి?
శ్రీశ్రీ మార్చేదీ మార్పించేది అని వ్రాసి ప్రజలను కదిలించాలని ఆలోచించాడు. దానికి బదులుగా జరుక్ చచ్చేది లాభంలేనిది ఈజన్మలో పనికిరానిది అని చివరలో తేల్చిచెప్పిన సరదాపాట పిల్లలకు ఎలా పనికివస్తుంది? ఈ జన్మకేకాదు ఏజన్మలోకైనా పనికరాదని చెప్పవచ్చు. శ్రీశ్రీ పెనునిద్దుర వదిలించేది, మునుముందుకు నడిపించేది , పరిపూర్ణపు బ్రతుకిచ్చేది అని రాసాడు. అంటే నిద్రపోతున్న బద్ధకస్తులను పెనునిద్దురనుంచి మేలుకొమ్మని , విశ్వాన్ని చూడమని చెబుతున్నాడు. అలాంటి వారిని మునుముందుకు నడిపించాలనే కోరికతే రాసాడు. ఇలా చేస్తే పరిపూర్ణ బ్రతుకు వస్తుందని , మూర్ఖులను చీల్చగలిగే శక్తికలుగుతుందని అభిప్రాయం.
డాక్టర్. ఎన్.గోపి 9వ తరగతి పాఠ్యపుస్తకానికి సంపాదకులుగా ఉండి, జరుక్ మీద అభిమానమో లేదా ద్వేషమో ఈ కవిత – సరదాపాట ను పిల్లలకు అందించారు. శ్రీశ్రీ – మీదే మీదే సమస్త విశ్వం – మీరే మీరే భాగ్యవిధాతలు అని సమస్త విశ్వాన్ని పిల్లల చేతుల్లో పెట్టారు.
జరుక్ రాసిన సరదాపాట ఎన్. గోపి గారు మాచేతుల్లో పెట్టి ఏమి చేయాలనుకున్నారు?
-ఉపాధ్యాయ సౌజన్యంతో

మార్పు

2009-01-18T19:22:00.005+05:30

ఒబామా గారి ఇంటర్వ్యూ
విలేఖరి :మీ నుండి ప్రజలు మార్పును కోరుతున్నారని మీ ఎన్నిక ద్వారా తెలుస్తుంది. మరి మీ మొదటి ఆలోచన ఏమిటి?
ఒబామా : వైట్ హౌస్ కు ఏ కలర్ పెయింట్ వెయ్యాలా అని ....
విలేఖరి : ఆ!!!

పొదుపు

2008-12-29T05:57:00.003+05:30

హోం మంత్రి చిదంబరం గారిని విలేఖరులు ఇంటర్వ్యూ చేస్తున్నారు.
విలేఖరి : సార్! మీకు ఈ హోం శాఖలో బాగా నచ్చిన అంశం ఏమిటి?
మంత్రిగారు : INVESTఇగేషన్.
విలేఖరి : !!!

ఏడుపు

2008-11-29T20:36:00.000+05:30

కమలకు ఏడాది వయసున్న కొడుకున్నాడు. వాడు ఒక రోజు ఎందుకోమరి బాగా ఏడుస్తున్నాడు. పాలిచ్చి ఏడుపు ఆపించాలని ఆమె ప్రయత్నిస్తుంది . కానీ వాడు పాలు తాగడంలేదు. ఇదంతా చూస్తున్న సుబ్బారావు తాను కూడా ప్రయత్నించి పిల్లవాడిచేత పాలు త్రాగించాలని అనుకున్నాడు. కానీ ఆ పిల్లవాని బందువులు సుబ్బారావుని చితకబాదారు.
ఎందుకో తెలుసా?
“ అబ్బాయ్! నువ్వు తాగకపోతే మొత్తం నేనే తాగుతా “ అన్నాడు.

ప్రశ్న-జవాబు

2008-11-22T22:05:00.004+05:30

ఒక స్టూడెంటు తన మాస్టారుగారితో ఇలా అన్నాడు " అయ్యా ! నేను మిమ్మల్ని ఒక ప్రశ్న అడుగుతాను . ఒకవేళ దీనికి జవాబును తమరు చెప్పలేకపోతే నాకు ఈ పరీక్షలో A గ్రేడు ( First Class Marks ) ఇవ్వాలి " అని అడిగాడు.దానికి మాష్టారు సరే అన్నారు. " అయ్యా! దేన్ని న్యాయబద్ధమేగానీ తార్కికంగా సమర్ధనీయంకానిదనీ, తార్కికంగా సమర్ధనీయమేగానీ న్యాయబద్ధం కానిదనీ , అటు తార్కికంగానూ ఇటు న్యాయబద్ధంగానూ సమర్ధనీయం కానిదనీ అంటారు ? " అని అడిగాడు. మాష్టారు బాగా ఆలోచించారు. అయినా జవాబు చెప్పలేకపోయాడు. కనుక పందెం ప్రకారం అతనికి A గ్రేడ్ ఇచ్చాడు. తర్వాత తన క్లాస్ లో మంచి తెలివైన విద్యార్ధిని పిలిచి ఇదే ప్రశ్న అడిగాడు .
దానికా విద్యార్ధి “ సార్! ఇది చాలా సింపుల్ సార్.ఒక ఉదాహరణ తీసుకుందాం.
మొదటిది. ఒక వ్యక్తి వయసు 60 సంవత్సరాలు అతని భార్య వయసు 35 సంవత్సరాలు అనుకుందాం. 60 సంవత్సరాల వయస్సున్న ఆవ్యక్తి 35 సంవత్సరాలవయస్సున్న స్త్రీని పెండ్లి చేసుకోవడం న్యాయబద్ధమేగానీ తార్కికంగా సమర్ధనీయంగాదు.
రెండవది ఆమె వైపునుండి చూద్దాం. ప్రేమించడంలో 25 సంవత్సరాల అనుభవంగల వ్యక్తిని పెండ్లిచేసుకోవడం తార్కికంగా సమర్ధనీయమేగాని తన తండ్రి అంత వయస్సు గలవానిని పెండ్లాడడం న్యాయంగాదు.
మూడవది పరీక్ష రాయకపోవడమేకాకుండా,మిమ్మల్ని ఓడించానని అందరికీ చెబుతూ మిమ్మల్ని అవమానపరుస్తున్న వాడికి A గ్రేడు మార్కులు ఇవ్వడం న్యాయబధ్ధంకాకపోవడమేగాక తార్కికంగా సమర్ధనీయంకూడాకాదుగదా “ అన్నాడు.

అలవాటు

2008-11-21T06:24:00.003+05:30

జ్యోతిష్కుడు : నీకు 30 సంవత్సరాలు వచ్చేదాక అన్నీ కష్టాలే నాయనా.
సుబ్బారావు : ఆ తరవాత ?
జ్యోతిష్కుడు : ఆ తరవాత ఏముంది అదే అలవాటై పోతుంది.
సుబ్బారావు : ఆ !!!

పనిచెయ్యడంలేదు

2008-10-28T20:25:00.004+05:30

షాపుకీపర్ :లేదండీ! మీరు చెప్పినట్లుగా కదిలే ఆలౌట్లుండవ్.
సుబ్బారావు : ఎందుకుండవండీ టీవీలో చూపిస్తున్నారుగా అదుంటే ఇవ్వండి.
అంతలో మాస్టారు షాపుకు వచ్చారు .
మాస్టారు : ఏమిటి సుబ్బారావ్ ? ఏమిటి గొడవ?
షాపు కీపర్ :చూడండిసార్! నిన్న ఇతను మాషాపులో ఆలౌట్ దోమలమందు కొన్నాడండీ. టీవీలో చూపించినట్టు నాలుక బయటకు పెట్టి దోమల్ని తినడంలేదట. అలా తినేదాన్ని ఇమ్మంటున్నాడుసార్!
మాస్టారు: ఆ!!!...

కీ.శే. జాన్ డేవిడ్ అయ్యవారు

2008-10-19T10:50:00.003+05:30

దేవుని దూత వలే పేదలకు, వికలాంగులకు, వ్యాధిగ్రస్తులకు, అనాధలకు కొండంత అండగా నిలిచిన డాక్టర్. జాన్ డేవిడ్ అయ్యవారు ప్రభుసన్నిధికి చేరి మూడేళ్ళయింది. చిలకలూరిపేటకు త్రాగునీటి కొరత లేకుండా చేసిన ఈ దయార్ధ హృదయుడు జనవరి తొమ్మిదవతేదీ 2005 న ప్రభువునందు నిద్రించినారు. 1950 – 60 మధ్య కాలంలో చిలకలూరిపేట చుట్టుప్రక్కల గ్రామాలలో తరచుగా తిరుగుతూ దేవుని సువార్తను బోధిస్తుండేవారు. వేకువ ఝామునే ఆయా గ్రామాలలో తిరుగుతూ బూరలో అరుస్తూ దేవుని ప్రవచనాలు చెబుతూండేవారు. “ దేవుని రాకడ సమీపించింది , ప్రియులారా! మారుమనస్సు పొందండి. “ అంటూ ప్రచారంచేసేవారు. మా పల్లె లోని పెద్దలు మమ్మల్ని ఆయన వద్దకు వెళ్ళనిచ్చేవారుకాదు. ‘ వాళ్ళది మన లాగానే క్రీస్తు మతమే గానీ , అది వేరే గ్రూపు. కాబట్టి మనం వారి దగ్గరకు పోకూడదు ‘ అని చెప్పేవాళ్ళు. కానీ మా పల్లె నుండి డాక్టర్. వంజా. జ్ఞానానందం గారి కుటుంబం, దైవసేవకులు గట్టుపల్లి. ఆర్యారావు గారి కుటుంబం, ఇలా నాలుగైదు కుటుంబాలవారు జాన్ డేవిడ్ అయ్యవారి సమాజంలో చేరారు.
జాన్ డేవిడ్ అయ్యవారు 17 అక్టోబర్ 1926 న విశాఖపట్టణం జిల్లా, నర్సిపట్టణం తాలూకా, బల్లిఘట్టం గ్రామంలో గాబ్రియేల్ , కృపమ్మ దంపతులకు జన్మించారు.చిన్న తనంలోనే తండ్రి మరణించినందున తల్లి సంరక్షణలో పెరిగి, మిలిటరీలో పనిచేశారు. తరువాత దైవసేవ చేస్తూండగా దేవుడు తనకు జీవితసహచరిగా ఆణిముత్యము వంటి డాక్టర్. సత్యవేదమ్మ గార్ని బహుమతిగా ఇచ్చాడు. వీరికి ఒక కుమారుడు , నలుగురు కుమార్తెలు కలిగారు. వారిలో ఒక కుమార్తె చనిపోయారు, మరొకరు విదేశాలలో ఉంటున్నారు, మిగిలిన ఇద్దరు కుమార్తెలూ, కుమారుడూ సేవ చేస్తున్నారు.
జాన్ డేవిడ్ అయ్యవారు ఆంగ్లభాష నుండి తెలుగులోకి విదేశీ సువార్తీకుల ప్రసంగాల్ని తర్జుమా చేసి చెబుతుండేవారు. జాన్ డేవిడ్ అయ్యవారు మరియు సత్యవేదమ్మ డాక్టర్ దంపతులను దేవుడు బహుగా దీవించినందున విదేశముల నుండి విరాళములు తెచ్చిమన రాష్ట్రములో అనేక ప్రాంతములందు సేవాకార్యక్రమములు నిర్వహించారు. 1952లో A.M.G. అనే సంస్థను స్థాపించారు. కంటి వైద్యశాలలు, క్షయ వ్యాధి నివారణ కేంద్రాలు , కుష్ఠు వ్యాధి నివారణ కేంద్రాలు, వృద్ధాశ్రమాలు, అనేక విద్యాసంస్థలు స్థాపించి అందులో అనాధలకు ప్రాధాన్యత నిచ్చారు. వేసవిలో పాఠశాలలకు సెలవులు ఇవ్వగానే పిల్లలందరూ వారివారి ఊళ్ళకు వెళతారు. కానీ తల్లీతండ్రీ బంధువులూ ఎవ్వరూ లేని అనాధ పిల్లలు మాత్త్రం హాస్టల్ లోనే ఉంటారు. ఆసమయంలో జాన్ డేవిడ్ అయ్యవారు ఏదేశంలో ఉన్నప్పటికీ , ఎన్ని పనులున్నప్పటికీ వాటన్నిటినీ ప్రక్కనబెట్టి ఇండియా వచ్చి ఆపిల్లలకు మంచి పిండివంటలు వండించి పెట్టి వారితో ఆడుతూపాడుతూ గడుపుతారు. అనాధల యడల వారి ప్రేమకు ఇది నిదర్శనం.
వీరు అనేక అవార్డులు ,ప్రశంసాపత్రాలు పొందారు. 1979,1982,1986,1994,1998లలో అప్పటి రాష్ట్ర గవర్నర్లచే ఉత్తమ సేవాఅవార్డులు అందుకున్నారు. 1995లో రాష్ట్రపతిచే జాతీయ బాల సంక్షమ అవార్డును అందుకున్నారు. అమెరికా తానా మహాసభలోకూడా ఉత్తమ సంఘసేవా అవార్డును అందుకున్నారు. పలు పట్టణాలు , గ్రామాలలో త్రాగునీరు, మురుగు కాల్వల అభివృద్ధి, పేదల గృహనిర్మాణము వంటి సేవాకార్యక్రమాలు నిర్వహించారు. జర్మనీ దేశస్తుడైన డాక్టర్. డైక్ మెన్ గారి ద్వారా కోట్లాదిరూపాయల వితరణనందించారు. యానాదులకు, పారిశుధ్య పనివారలకు, బాలకార్మికులకు, వ్యభిచార వృత్తిలో ఉన్న మహిళలకు , గిరిజనులకు అనేక పధకాల ద్వారా సహాయాన్ని అందించారు. ప్రతి సంవత్సరము దాదాపు 75 వేలమందికి సహాయము అందిస్తున్నారు. ఇందిర ఆవాస యోజన కార్యక్రమము ద్వారా నిర్మిస్తున్న గృహములకు 8వేల రూపాయల వంతున సహాయం అందించారు. ఆత్మహత్యలు చేసుకున్న వ్యవసాయదారుల కుటుంబాలకు ఆర్ధిక సాయం అందించి , వారి పిల్లలకు ఉచిత విద్యను ఏర్పాటు చేసారు. ప్రకృతి వైపరీత్యాలు సంభవించినపుడు నిరాశయులైన కుటుంబాలను ఆదుకున్నారు. రైతులకు ఉచిత పశుగ్రాసాన్ని అందించారు. త్సునామీ బాధితులకు లక్షలాదిరూపాయలు సహాయం అందించుచూ హఠాత్తుగా ప్రభువునందు నిద్రించారు. చిరస్మరణీయులైన వారి జ్ఞాపకార్ధం ఒక శిలావిగ్రహం నిర్మించాలని ప్రజలు ప్రభుత్వాన్ని కోరుతున్నారు.
www.amg-india.org/community.html

కనెక్షన్

2008-10-04T15:35:00.003+05:30

మాస్టారు : “ ఏమిటి సుబ్బారావు కాలికి కట్టు కట్టుకొని , కుంటుకుంటూ వస్తున్నావ్ ? “
సుబ్బారావు : “ ఏంచెప్పమంటారు... ఇటీవల హచ్ కనెక్షన్ తీసుకున్నాను సార్ ! కుక్క కరిచింది. “
మాస్టారు : “ దానికీ దీనికీ ఏమిటి సంబంధం ? “
సుబ్బారావు : “ మీకు తెలియదులే సార్! . నేను ఇంట్లో సెల్లు మరచిపోయి వస్తుంటే గుర్తుచేయడానికి కరిచుంటది. యాడ్లోకూడా ఇటువంటిదే వుంది. “
మాస్టారు : “ ఆ .............. “ .

అగ్యానం

2008-10-03T22:29:00.001+05:30

సుబ్బారావు : “మాస్టారూ ! బాసుమతి రైస్ కూ, కండోలినా రైస్ కూ తేడా ఏమిటంటారూ?”
మాస్టారు : “ బాసుమతి రైస్ ను ఇండియన్స్ మక్కువతో తింటారు. కండోలినా రైస్ ఇండియాను మక్కువతో తింటుంది. అంతే.”

పొగడ్తలు

2008-10-02T12:54:00.003+05:30

“ఒక పెన్సిల్ మరొక పెన్సిల్ తో ఏమంటుంది ?”
“ మీరు చాలా షార్పుగా ఉన్నారండీ “ అని.
.................... ............ ..................

ఒక స్కూలుకు క్లాప్స టీం వచ్చింది పిల్లల లెర్నిగ్ టెస్టు చెయ్యడానికి. “టీచర్ గారూ! మీ కాస్ లో ‘ A’ గ్రేడు ఎవరెవరికిస్తారు? “ అడిగాడు టీంమెంబర్ అనుమానంగా.
టీచర్ : “ ఎవరికైనా లవ్ లెటర్ రాసినా, అలాంటి అల్లరి పనులేమైనా చేసినట్లు తెలిసినా వాళ్ళకు వార్నింగ్ యిచ్చిమరీ ‘A‘ గ్రేడు ఇస్తున్నామండీ ” చెప్పింది ఆ టీచర్ సినిమా పత్రిక దాచేస్తూ.
............ ........... .............

కమల : “ ఈమధ్య ఆ మాస్టారు నల్లకళ్ళద్దాలు పెట్టుకుంటున్నారేమిటే స్వప్నా? శుక్లాలుగానీ తీయించుకున్నారా? “
స్వప్న : “ అబ్బే అదేంలేదే. వాళ్ళ క్లాసులో చాలా మంది బ్రైట్ స్టూడెంట్స ఉన్నారంట. అందుకనీ...
........ ........ ..........

నవ్వులు

2008-08-13T21:38:00.000+05:30

సుబ్బారావు : నమస్తే మాస్టారూ ! రేపు స్వాతంత్ర్యదినోత్సవం సందర్భంగా మీ దంపతులిద్దరికీ సన్మానం చేద్దామనుకుంటున్నామండీ. మీరు కాదనగూడదుమరి.
మాస్టారు : మాకు సన్మానమా? ఎందుకండీ?
సుబ్బారావు : మరి మన అపార్టుమెంటులో ఎప్పుడూ ఆనందంగా , అన్యోన్యంగా ,ఆదర్శంగా ఉండేది మీరే. మీరూ, మీయావిడా ఎప్పుడూ నవ్వుకుంటూ ఉంటారుగదా .అందుకని.
మాస్టారు : నవ్వుకోవడవా! మరేంలేదండీ, మాయావిడ నాపైకి గ్లాసులూ, గంటెలూ విసురుతూంటుంది. అవి నాకూ తగలలేదనుకోండి – అప్పుడు నేను నవ్వుతాను , తగిలిందనుకోండి మాయావిడ నవ్వుతుంది. అంతే.
సుబ్బారావు : ఆఁ...........

మిస్టేక్

2008-08-08T05:47:00.000+05:30

మాస్టారు ఓరొజు పెందలకడనే నిద్రలేచి భార్యను కూడా లేపాడు.ఆమె నిద్ర లేస్తూనే అలవాటుగా భర్త కాళ్ళకు నమస్కారం చేసి తర్వాత బాత్ రూంకు వెళ్ళింది. అది చూసిన మాస్టారికి తన భార్య వెనకటి కాలం అలవాట్లను మార్చి ఆధునిక స్త్రీనిగా చెయ్యాలనీ , ఆమెకు ఙ్ఞానాన్ని బోధించాలని అనుకున్నాడు. ఆమె రాంగాన్నే ఇలా అడిగాడు.
మాస్టారు: " ఏం కమలా ! నువ్వు ఏం తప్పు చేసావని నాకాళ్ళు పట్టుకున్నావ్?"
కమల : " మిమ్మల్ని పెళ్ళి చేసుకున్నానుగదండీ. అందుకని "
మాస్టారు : ???

వేస్టు

2008-07-12T02:28:00.003+05:30

విమల : ఏమే కమలా ! ఉద్యోగం రాకముందు అసలు పెండ్లే చేసుకోనన్నావ్ ? మరి టీచర్ ఉద్యోగం రాంగానే పెండ్లి చేసుకొని ఇద్దరు పిల్లల్ని కన్నావేం?
కమల : ఆ ... మరీ ... మెటర్నటీ లీవులు వేస్టవుతాయనీ...
విమల : ఆఁ !!!

మెగాస్టార్ చిరంజీవి గారు సిఎం అయితే అవినీతిని అరికట్టగలడా?

2008-07-04T22:57:00.000+05:30

మెగాస్టార్ చిరంజీవి గారు రాజకీయపార్టీ నిర్మిస్తున్న క్రమం వ్యూహాత్మకంగా, ముచ్చటగా ఉంది. ఠాగూర్ సినిమాలోలాగా అవినీతిని అంతంచేయగల ఏకైక నాయకుడుగా చాలామంది ప్రజలు నమ్ముతున్నట్లుగా కనిపిస్తుంది. చిరంజీవి గారు ఒక రాజకీయ పార్టీకి కావలసిన అన్ని హంగులూ ఏర్పరచుకుంటున్నట్లుగావుంది. నా అంచనా ప్రకారం వైయ్యస్సార్ గారు నేటి నుండి అవినీతిపై అవిశ్రాంత పోరు చేస్తానికి సిద్ధమౌతున్నట్లుగావుంది.కానీ కాంగ్రెస్ పార్టీలో అది సాధ్యంకాకపోవచ్చు. చిరంజీవిగారి ఎత్తుగడ కూడా అవినీతిలేని పాలన హామీగా ఎన్నికలబరిలోకి దూకి, ఆన్ని ప్రతిపక్షాల సహకారంతో రాజ్యాధికారం చేపట్టాలని కొండంత ఆశతో ఉన్నట్లు కనిపిస్తుంది. కానీ అది అడియాసే కావచ్చు. ఎందుకంటే...
మనదేశ చట్టాలను గమనించండి. బ్రిటీష్ వారు మన దేశాన్ని పాలించడానికి కొన్ని చట్టాలను చేశాడు.అవే బానిస చట్టాలు. చట్ట ప్రకారం ప్రభుత్వరహస్యాలు వెల్లడించరాదు. ప్రభుత్వం నుండి ప్రజలెవరైనా సహాయం పొందాలంటే కొంత లంచంగా సమర్పించుకోవాల్సివచ్చేది. పోలీస్ సహాయం కోరితే పోలీసువారికీ, న్యాయ సహాయం కోరితే పీ.పీ గారికీ, ఆస్తి కొన్నా,అమ్మినా రిజిష్టారువారికీ..... ఇలా అన్నిరకాల ప్రభుత్వాధికారులకు కొంత మొత్తం లంచంగా చెల్లించితేనే అధికారులు పనిచేసేవారు. అలా ఆయాశాఖలవారు తాము వసూలు చేసిన మొత్తాలను( 90శాతం ) తమ పై అధికారులకు అందిస్తారు. అలా అధికారులందరివద్దనుండి డబ్బు వసూలు చేసే అధికారినే కలెక్టర్ అంటారు.ఆ విధంగా బ్రిటీష్ వారికి డబ్బు ముట్టేది. మనకి స్వాతంత్ర్యం వచ్చినా చట్టాలు మారనందున తమ పాత అలవాట్ల ప్రకారం నేటికీ లంచం అడగబడుతూంది.
ఇక మెగాస్టార్ సియ్యం అయ్యాడనే అనుకుందాం. తాను చట్టాలు మార్చగలడా? రాష్ట్రాలను పాలించడానికి రాజప్రతినిధులుగా కేంద్ర ప్రభుత్వం నుండి సుమారు వందమందికి పైగా ఐఏయస్సులూ, ఐపీయస్సులూ, ఐయ్యస్సెఫ్ లూ వస్తారు.ఆ వచ్చిన వారిలోనుండే మనం పరిపాలింపబడాలి. వారికి కొద్దిమందికైనా ఎంతో కొంత లంచంగా యివ్వందే మనం చెప్పినట్లు పనిచేస్తారా? .....ఏమో..... చెయ్యకపోవచ్చనుకుంటున్నాను. మీరేమంటారు?

సలహా

2008-07-02T20:34:00.002+05:30

రాము : మాష్టారూ! తీవ్రమైన తల నొప్పి కోసం ఏదైనా సలహా ఇవ్వండి.
మాష్టారు : ఏముందిరా! సింపుల్. ఓ సుత్తి తీసుకుని తలకేసి కొట్టుకో. తీవ్రమైన తలనొప్పి వెంటనే వస్తుంది.
రాము : ???
----------
మాష్టారు : ఏమిట్రా రామూ! చేతికా కట్లేంటి?
రాము : చయ్యి రెండు చోట్ల విరిగింది మాష్టారూ!
మాష్టారు : ఆ రెండు చోట్లకు మళ్ళీ వెళ్ళకురో! వెధవది మళ్ళీ విరుగుతుందేమో..
రాము : ???

కుదరదు

2008-07-01T18:38:00.003+05:30

మాష్టారు: రామూ! నువ్వు నిన్న స్కూలుకు రాలేదేం?
రాము : మరే... నిన్న మా గేదె ఎదైతే మానాన్న దాన్ని దున్నదగ్గరికి తోలుకు పొమ్మని నన్ను పంపాడండీ.
మాస్టారు : నిన్నెందుకురా పంపడం. ఆపనేదో ఆయనే చెయ్యొచ్చుగా?
రాము : ఆపని మానాన్న చేయగూడదంటండీ..
మాష్టారు: ఏం ?
రాము : దున్నేచెయ్యాలంట.
మాస్టారు : ???

అణు ఒప్పందం మీకు అంగీకారమేనా ?

2008-06-30T19:08:00.001+05:30

అమెరికా ఇండియా దేశాల మధ్య అణు ఒప్పందం జరగాలని, వద్దని రెండు విధాలుగా ప్రజలు ఆలోచిస్తున్నారు. ఈ విషయం గురించి మీరు ఏమనుకుంటున్నారు?
నాకు తెలిసినంతవరకూ అమెరికా పాకీస్థాన్ వైపూ, రష్యా ఇండియా వైపూ ఉండేవి. ఇండియా అలీనదేశాలకు నాయకత్వం వహిస్తుంది.ఇప్పుడు అమెరికా మన విద్యుత్ అవసరాలను కోసం అణువిద్యుత్తు తయారుచేసుకునే పరిజ్ఞానాన్ని మనకు ఇవ్వడానికి తహతహ లాడుతుంది. ఎందుకు?
ఈ అణు ఒప్పందం అమలు 4 దశలుగా జరగాలి. 1.అణుఇంధనాన్ని సప్లై చేసే గ్రూపు ( NSG ) మన దేశంతో చర్చించి అంగీకారం తెల్పాలి. 2.అంతర్జాతీయ అణు సంస్ధ ( IAEA ) ) మన దేశంతో చర్చించి అంగీకారం తెల్పాలి. ( ఇప్పుడు జరగబోయే సీను ఇదే.)3. భారతదేశ కేంద్ర ప్రభుత్వం అమెరికా షరతులకు అంగీకరించాలి. 4. పై మూడు ఒప్పందాలను పరిశీలించాక అమెరికా పార్లమెంటు అంగీకరించి చట్టం చెయ్యాలి.
ఇప్పటివరకూ 25 దేశాలతో అమెరికాకు అణు ఒప్పందం కుదిరింది. వాటిల్లో కమ్యూనిష్టులు అభిమానించే చైనా దేశం కూడా ఉంది. మరి కమ్యూనిష్టులు ఈ అణు ఒప్పందాన్ని ఎందుకు వ్యతిరేకిస్తున్నారు? ఎందుకంటే ఆ 25 పెద్దదేశాలు సంతకాలు చేసి అంగీకారం తెల్పిన తర్వాత 2007లో Hyde చట్టాన్ని అమెరికా తయారుచేసి అమెరికా కాంగ్రెస్ లోని రెండు సభలూ ఆమోదించింనాయి, అమెరికా ప్రసిడెంటు జార్జి బుష్, కూడా సంతకం చేసాడు. దానికంటే ముందు 2005 జూలై నెలలో మన ప్రధాని అమెరికా పర్యటనకు వెళ్ళినప్పుడు ఈ అణు ఒప్పందం విషయం బుష్ ప్రతిపాదించాడు. 2006 మార్చి లో ఢిల్లీలో భారత ప్రధాని మనమోహన్ సింగ్, అమెరికా అధ్యక్షుడు జార్జ్ బుష్ పౌర అణు సహకార ఒప్పందంపై సంతకాలు చేశారు. మనం చాలా ఆనందించాం, ఆశ్చర్యపోయాం ఎందుకు ఆయాచితంగా ఈ వరాన్ని ప్రసాదిస్తున్నారా అని. తర్వాత తెల్సిందేమిటంటే ఇరాన్ దేశం నుండి పాకీస్థాన్ , ఇండియా మీదుగా చైనా దేశానికి గ్యాసు పైపు లైను నిర్మించి , తక్కువ ధరకు గ్యాసు మనకు లభించేలాగా, తక్కువ ఖర్చుతో మనం విద్యుత్తు ఉత్పత్తి చేసుకోగలిగేలాగా చైనా, పాకీస్థాన్ , ఇరాన్ లతో మనం ఒక ఒప్పందం చేసుకొని ఉన్నాం. ఈ ఒప్పందాన్ని చెడగొట్టాలని అమెరికా ఎత్తుగడ పన్నింది. పాకీస్థాన్ ఎటూ అమెరికా మాట కాదనదు, మరి మనల్ని ఒప్పించాలంటే ఈ ఉచిత అణువిజ్ఞానబదలాయింపు అనే అస్త్రం ద్వారా మనల్ని పడగొట్టింది. ఇరాన్ దేశానికి వ్యతిరేకంగా మనచేత ఐక్యరాజ్యసమితిలో ఓటు వేయించింది. వెనుకబడిన దేశాలతోఒప్పందంగా భావించి, Hyde చట్టాన్ని దీనితో జతచేశారు.Hyde చట్టం ప్రకారం మనం ఇతర దేశాలతో చర్చలు జరపాలంటే అమెరికా అధ్యక్షుని అనుమతి తీసుకోవాలి. అమెరికా అధ్యక్షుడు ఏసమయంలో అయినా తన ఒప్పందాన్ని రద్దు చేసుకోవచ్చు. ఇలా ఈ Hyde చట్టం లోని సెక్షన్ 103, 104, D2 మొదలైనవి భారతదేశానికి ఇబ్బంది కలిగించే అంశాలు. “ చట్టంలో అలా వుంది గానీ నేను ఆ అధికారాన్ని వినియోగించను ” అని జార్జి బుష్ గారు అంటున్నారు.
మన దేశ మాజీ రాష్ట్రపతి అబ్దుల్ కలాం గారు కూడా ఈ అణు ఒప్పందం బాగానేవుంది అన్నారు. కానీ మనదేశ అణుశాస్త్రవేత్తలు ఈ ఒప్పందాన్ని తిరస్కరించారు. ప్రస్తుతం మైనారిటీగావున్న కాంగ్రెస్ పార్టీ పార్లమెంటు ఆమోదం పొందకుండా భారతదేశ సార్వభౌమాధికారాన్ని మరోసారి తెల్లవానికి తాకట్టుపెట్టడం మంచిదంటారా?

మీ కలల్ని నిజం చేస్తాం

2008-06-26T18:51:00.004+05:30

ఒక రోజు సుబ్బారావుకు కలొచ్చింది. అందులో తననెవరో చంపినట్లుగా వచ్చింది. రాత్రంతా బాగా ఆలోచించి ఒక నిర్ణయానికి వచ్చాడు. ఉదయాన్నే బాంకుకి వెళ్ళి తన ఖాతా క్లోజ్ చేసి , అందులో వున్న డబ్బంతా ఇచ్చేయమన్నాడు .
" ఏమయిందండీ ? ఎందుకు ఖాతాను క్లోజ్ చేస్తున్నారు? " అని వాళ్ళు ఎంత అడిగినా చెప్పలేదు.
డబ్బు డ్రా చేసుకున్నాక వెళ్ళబోతుండగా మళ్ళీ అడిగారు.
" ఇప్పుడైనా చెప్పండి సార్! కారణం "
" రాత్రి నన్ను ఎవరో చంపినట్లు కలవచ్చింది. అందుకే... " అన్నాడు సుబ్బారావు ' మీ కలల్ని నిజం చేస్తాం' అని వున్న ఆ బాంకు ప్రకటన బోర్డును చూపిస్తూ.

తెలుగులో విద్యా బోధన ఎందుకు

2008-06-24T22:38:00.002+05:30

ఆంధ్రప్రదేశ్ ప్రభుత్వానికి భారతీయ సంస్కృతి సంప్రదాయాలను గౌరవించాల్సిన బాధ్యత ఉంది. గతంలో బ్రిటిష్ ప్రభుత్వం మనదేశంలో ఇంగ్లీషు మీడియం స్కూళ్ళు ప్రవేశపెట్టింది. మాతృభాషలోనే బోధన జరగాలని మనం బ్రిటిష్ ప్రభుత్వాన్ని వొప్పించాం. ఫలితంగా ఆయా రాష్టాల్లో ఆయా మాతృభాషల్లోనే విద్యాబోధన జరిగింది. స్వాతంత్ర్యానంతరం మన మాతృభాషల్ని మనం సుసంపన్నం చేసుకోవడానికి ప్రయత్నిచాలి. అంతేగానీ ఇంగ్లీషు మీడియంలో బోధన ప్రవేశపెట్టకూడదు.
మాతృభాషలోనే విద్యాబోధన జరిగితే విషయం (subject) బాగా అర్ధం అవుతుంది. అదే ఇంగ్లీషు మీడియంలో చదివిన పిల్లలకు కంటెంటు అర్ధంకాదు. ఇంగ్లీషు మీడియం లో చదివితే ఇంగ్లీషు బాగా మాట్లాడగలుగుతారనే నమ్మకం మనలో చాల మందిలో ఉంది. కానీ ఇంగ్లీషులో బాగా మాట్లాడగలగడానికి, ఇంగ్లీషు మీడియంలో చదువునేర్చుకోవడానికి సంబంధం లేదు. ఇంగ్లీషు మీడియంలో చదివినవారినీ , మాతృభాషా మీడియంలో చదివినవారినీ పరీక్షించి చూసినప్పుడు మాతృభాషా మీడియంలో చదివినవారికి పాఠ్యాంశాల విషయఅవగాహన బాగా ఉందని తెలిసింది. మన ఇంగ్లీషు మీడియం స్కూళ్ళు నిజానికి కోళ్ళఫారాల్లాగుంటాయి. తెలుగు మీడియంలో అరకొరగా చదివినవారే బోధకులు. వారే ధారాళంగా ఇంగ్లీషులో మాట్లాడలేరు. ఇక పిల్లలకేం చెప్పగలరు? -కేరళ ఉపాధ్యాయులచే బోధన- అని ప్రకటనలు ఇస్తూవుంటారు. వారి ప్రొనౌన్షియేషన్ చాలా తప్పులతడక. వారికి కొన్ని పదాలు పలకవు. వాస్తవానికి ఉపాధ్యాయుల బోధనా నైపుణ్యం వలన గాక, యాజమాన్యం వారి సమర్ధత ద్వారా ప్రయివేటువారికి పేరు వస్తుంది. ప్రయివేటు యాజమాన్యాలవారి ఎత్తులు జిత్తుల గురించి మీకు ప్రత్యేకంగా చెప్పనవసరంలేదని భావిస్తున్నాను.
అయితే కొన్ని కార్పోరేట్ ఇంగ్లీషు మీడియం స్కూళ్ళలో చక్కని బోధన జరుగుతుంది. ఆ పాఠశాలల్లో సీటు దొరకడం చాలా కష్టం. మూడున్నరేళ్ళ వాడు ఇంగ్లీషు మాతృభాషగా గల వానివలే ఇంగ్లీషులో మాట్లాడగలిగి వుండాలి. బహు కఠినమైన ఇంటర్వ్యూను ఆ చిన్నారులు ఎదుర్కొనాల్సివుంటుంది. అతని పేరు పిలవగానే తన తల్లిదండ్రులను వదలి ఒక్కడే ప్రిన్సిపాల్ గదిలోనికి వెళ్ళాలి, ఇంగ్లీషులో ఆ ప్రిన్సపాల్ గారితో మాట్లాడాలి. ఆల్ఫాబేట్సూ, నంబర్లూ, కలర్సూ చెప్పగలిగివుండాలి. ఆ ఇంటర్వ్యూలో నెగ్గితేనే – సీటు. చూడండి. ఆ వయసులో ఆబాలుడి పోరాటం. దానికై ఆ తల్లిదండ్రులెంత డ్రిల్లింగ్గిచ్చారో. ఒక పశువుకి సర్కస్ ఫీట్లు నేర్పడంకన్నా ఇది మరింత ఘోరం.
కనుక తెలుగు మాతృభాషగా గలవాడు ఇంగ్లీషు మీడియంలో చదవలేడు, ఒకవేళ చదివినా పాఠం అర్ధంకాదు. శాస్త్రీయ దృక్పధంతో ఆలోచించినప్పుడు మాతృభాషా మాధ్యమంలో చదివినవారు చక్కని అవగాహనా నైపుణ్యము గలవారిగానూ, విద్యావంతులుగానూ తయారౌతుండగా – ఇమాజినరీ ఇంగ్లీషు మీడియంలో చదివినవారు విషయ జ్ఞానశూన్యుడై, బైహార్టు చేసి , పరీక్షలలో గట్టెక్కేవారుగావుంటున్నారు, అందువలన 1వ తరగతినుండి 10వ తరగతి వరకు గణితం, సైన్సు, సోషలు సబ్జక్టులు మాతృభాషలోనే బోధించాలి. ఆంగ్లభాషను ‘ డిస్కోర్సు మెథడులో ’ బోధించితే వారు ఇంగ్లీషు భాషను చక్కగా, అనర్గళంగా మాట్లాడగలిగేవారుగా తయారౌతారు.
కనుక ప్రభుత్వపాఠశాలల్లో ఇంగ్లీషుమీడియం లో బోధించాలనుకోవడం ప్రజలకు మేలు చేస్తున్నామని భ్రమపడి, వారికి కీడు చేయడమే. బాలల విద్యాహక్కును నిరాకరించబోవడం ప్రాథమిక హక్కుల వుల్లంఘనే అని చెప్పడమే ఈ వ్యాసం ఉద్దేశం.
State సిలబస్ లో పాఠాలు మన రాష్ట్రానికి సంబంధించినవి, ఉదాహరణకు- మన రాష్ట్రం, ఉనికి, మన ఆహారపుటలవాట్లు, పంటలు, మన పండుగలు ఇలా... వుంటాయి. అదే సెంట్రల్ సిలబస్సయితే మన దేశానికి సంబంధించి పాఠాలుంటాయి. State సిలబస్ లో తెలుగు మీడియంలోని పాఠాలే ఇంగ్లీషులోకి ట్రాన్సిలేట్ చెయ్యబడి వుంటాయి.కనుక టీచర్లు తేలిగ్గా చెప్పగలమసుకుంటారు. అదే సెంట్రల్ సిలబస్సయితే క్రొత్త పాఠాలు , క్రొత్త మీడియమాఫ్ ఇన్సష్ట్రక్షన్ , ఇన్నాళ్ళూ తెలుగు మీడియంలో చదివి, తెలుగు మీడియంలో చెప్పి, ఇప్పుడు, ఇంగ్లీషు మీడియంలో కొత్త పాఠాలు చెప్పమంటుందీ ప్రభుత్వం, వాఁ..... అంటూ వారంరోజుల్లో ఇంగ్లీషులో బోధించడం నేర్చుకొని ఈ వయసులో ఎలా చెప్పాలో తెలియక కొందరు టీచర్లు జుట్టు పీక్కుంటున్నారు.

ఇంగ్లీష్ మీడియం లో బోధన

2008-06-23T23:20:00.003+05:30

ఆంధ్ర ప్రదేశ్ ప్రభుత్వం తన ఆధీనంలోని పాఠశాలల్లో ఇంగ్లీషు మీడియంలో 6వ తరగతి నుండి బోధించాలని నిర్ణయించుకోవడం విచారకరం. కొంతమంది ప్రజలు , కొన్ని ఉపాధ్యాయ సంఘాలు దీనిని అపార్ధం చేసుకుంటున్నారు. కొందరు ఇంగ్లీషు మాధ్యమానికి ( మీడియానికి ) ఓకే. కానీ అది స్టేట్ సిలబస్ లో అయితేనే చెబుతాం అంటున్నారు. మరి కొందరు కొత్తగా ఇంగ్లీషు మీడియం పెట్టినప్పటికీ తెలుగు మీడియం ఎలాగూ ఉంది గనుక , ఇంగ్లీషు మీడియంలో చదవడం ఇష్టం లేని వారు తెలుగు మీడియంలోనే చదువుకోవచ్చుగదా , మరింకేమిటి – సెంట్రల్ సిలబస్ అయితే మాత్రం ఏం - అంటున్నారు. కానీ ప్రభుత్వ పాఠశాలల్లో మాత్రం ఇంగ్లీషు మీడియం పెట్టడం మంచిది కాదు. ఒకటవ తరగతి నుండి పదవ తరగతి వరకు మాతృభాషలో విద్య నేర్చుకోవడం మంచిదని కొఠారీ కమీషన్ కూడా సూచించింది. బాగా కోపం తెచ్చుకున్నకొందరైతే – మీ ఉపాధ్యాయుల పిల్లలు మాత్రం ఇంగ్లీషు మీడియంలో చదవాలా ? పాపం పేదల పిల్లలు మాత్రం తెలుగులో చదవాల్నా? ఏం న్యాయంజెబుతున్నారండీ..... అంటూ నిరసిస్తున్నారు. దయచేసి వారు అర్దం చేసుకోవలసినదేమిటంటే ప్రయివేటు పాఠశాలల్లో ఇంగ్లీషు మీడియాలున్నాయి. వాటిల్లో చేరి చదువుకోవచ్చు. కానీ ప్రభుత్వము తనంతట తానుగా , నిస్సిగ్గుగా ప్రభుత్వ పాఠశాలల్లో ఇంగ్లీషు మీడియం ప్రవేశపెట్టడం విడ్డూరం, రాజ్యాంగ విరుద్ధం.

సమయస్ఫూర్తి

2008-06-20T23:48:00.000+05:30

అనగాఅనగా ఒక అడవిలో ఒక సింహం, ఒక నక్క రాజూ, మంత్రిగా ఉండేవారు. ఒకసారి సింహం జంతువులను వేటాడుతూవుండగా ప్రమాదవశాత్తు కాలికి గాయమైంది. క్రమేపీ ఆ గాయం బాగా నొప్పిచేసి , నడవలేక తన గుహవద్దనే ఉండిపోయింది. సింహం ఏదైనా జంతువుని వేటాడి చంపి తాను తినగా మిగిలింది తింటూ జీవనం గడుపు కుంటున్న నక్కకు కూడా ఏమీదొరక్క ఆకలితో అలమటిస్తుంది. సింహం వేగంగా పరుగెత్తలేకపోతుంది. దాంతో జంతువులేవీ దానికి దొరకడంలేదు. కాలినొప్పితోపాటు ఆకలికూడా పెరగడంమినహా మరేమీ ప్రయోజనం కన్పించడంలేదు. దాంతో సింహం నక్కను పిలిచి ఇలా అంది. “ చూస్తున్నావుగా మంత్రీ ! ఏదైనా జంతువు నాదగ్గరకు వస్తేతప్ప నేనేంచెయ్యలేను. ఏదైనా ఉపాయం చెప్పు ” అంది. “ చూస్తూ చూస్తూ తమ దగ్గరికి రావడానికి ఎన్ని గుండెలుండాలి ? ..సరే. నా ప్రయత్నం నేను చేస్తాను. తమరు మాత్రం ఎవరికీ కనిపించకుండా ఆ గడ్డిలో దాక్కోండి. నాకెవరైనా కన్పిస్తే వారికి మాయమాటలు చెప్పి ఇక్కడికి వచ్చేలా చేస్తాను. అది ఇక్కడికి రాగానే దాన్ని చంపేయండి. ” అంది. అలాగే అంటూ ఎత్తైన గడ్డిలో దాక్కుంది మృగరాజు.
అలా కొంతదూరం వెళ్ళేసరికి కొన్ని గాడిదలు గడ్డి మేస్తూ కనిపించాయి. మెల్లగా వోగాడిద్దగ్గరికి వెళ్ళింది నక్క. “ గాడిద బావా ! గాడిద బావా ! అక్కడ ఎంత మంచి గడ్డి ఉందనుకున్నావ్ ? ఇదేం గడ్డయ్యా బాబూ ! పైగా అక్కడ ఓ ఆడగాడిద కూడా ఉంది ” అంది. “ నిజంగానా? ” అంది గాడిద. “ నిజమే. నీమీదొట్టు. రా! చూపిస్తాను” అన్నది నక్క. సరేనంటూ నక్కవెనుకే వెళ్ళింది గాడిద. “ అదుగో! ఆ పొద వెనుకే వుంటుంది వెళ్ళు ” అంది నక్క ఆనందంగా. దగ్గరికొస్తున్న గాడిదను చూస్తూనే గాండ్రు మంటూ అరిచి దాని పైకి దూకబోయింది. సింహగర్జన వినగానే హడలిపోయి వెనుదిరిగి పారిపోయింది గాడిద. నక్కకి బాగా కోపమొచ్చింది. “ ఏమిటి స్వామీ! ఇలా చేశారు? మీరు ఎందుకలా అరిచారు?” నిష్టూరంగా అంది నక్క. “ మేము వేటాడే పధ్దతి అంతేగా మిత్రమా! ఏదో అలవాటుగా వచ్చింది. మేం ధర్మయుధ్దం చెయ్యాలిగా ” అంది సింహం. నక్కకు బాగా కోపం వచ్చింది. “ ఇక ఊరుకోండీ. ఏం ధర్మమండీ. ఇప్పటి మీ పరిస్థితి ఏమిటి? వారం రోజులుగా పస్తులుంటున్నాం. ఈ పరిస్థితుల్లో కూడా నీతీ, న్యాయం, ధర్మం అంటుంటే ఎట్లా ప్రభూ!.... అరెరెరెరే.... నోటిదాకా వచ్చిన ఆహారాన్ని చేజేతులా పాడుచేసారు. ఏం చేస్తాం. మీరు, మిమ్మల్ని నమ్ముకున్నందుకు నేనూ ఇలా ఆకలితో మలమల మాడి చావాల్సిందే. ” అంది నక్క. “ పోనీ, మళ్ళీ తీసుకురా. ఈ సారి శబ్దం చేయకుండా పని పూర్తిచేస్తాను ” అంది సింహం. “ సరే! ఈ సారి మనం అనుకున్నది అనుకున్నట్టు జరగాలి ” అంటూ వెళ్ళింది నక్క.
మళ్ళీ అదే గాడిద ఓ చెట్టు క్రింద కనిపించింది. ఇది మన మాటలు మరి నమ్ముతుందా? చూద్దాం అనుకుంటూ ఆ గాడిద దగ్గరకు వెళ్ళి పొట్ట చేత్తోపట్టుకొని పకపకా నవ్వుతూ క్రిందబడి దొర్లసాగింది. “ ఏమిటి ? నవ్వుతున్నావ్? ” అంది గాడిద. “ ఏం ధైర్యవంతుడవయ్యా! అహహ్హా! అది నిజం సింహమనుకున్నావా? అ హహ్హ! కాదు. అదే.... ఆడగాడిద.... నువ్వు ఎంత ధైర్యవంతుడవో అని...ఊరికే.... హాస్యానికి. కాస్తయినా నిదానించి చూడకుండా అదే పరుగా? ...అహహహ్హా... అదీ...నువ్వు బాగానచ్చావట... ఏంటి? .... నేను చెప్పాన్లే... ఆయన నిజంగా భయపడలేదూ..హాస్యానికి అలా పరుగాత్తివుంటాడని చెప్పన్లే.....అవునా? ......అహహ్హ.... నేనప్పుడే అనుకున్నాన్లే..నువ్వు కూడా హాస్యానికే అలా పరుగెత్తావ్. నిజంగా సింహమే అయితే అది నీవెంట పరుగెత్తేదిగదా? ...ఏమంటావ్? ” అంది నక్క. “ అవును. నిజమే. అది నిజం సింహమైతే నావెంట పరుగెత్తేదేగదా... నాకూ అనుమానంగానే వుంది....అయినా ఆ అరుపు వినగానే కొంచం భయమేసింది. ”అంది గాడిద సిగ్గు పడుతూ. “ సరేలే పద అక్కడ నీకోసం ఎదురు చూస్తుంది. ” అంటూ గాడిదను వెంటబెట్టుకు పోయింది నక్క.
గాడిద పొదవైపు నడుస్తుండగనే గడ్డిలో దాక్కున్న సింహం నిశ్శబ్దంగా గాడిదపై దూకి పదునైన తన పంజాతో రెండు దెబ్బలు కొట్టింది. దాంతో తల పగిలి మెదడు, రొమ్ము పగిలి గుండె బయటపడి గాడిద చచ్చింది. “ చూసావా మిత్రమా! అన్నమాటను ఎలా నిలబెట్టుకున్నానో. చాలా రోజులుగా సరైన భోజనం లేదు. ఈ రోజు తృప్తిగా భోజనం చెయ్యాలి. నేను ఆనదిలో స్నానం చేసి వస్తాను. నే వచ్చేంతవరకూ జాగ్రత్తగా ఇక్కడే ఉండు ” అన్నాడు మృగరాజు. “ చిత్తం ప్రభూ! మీరు నిశ్ఛింతగా వెళ్ళిరండి. దీనిపై ఈగ కూడా వాలకుండా నేను కాపలాకాస్తాను. ” అంది నక్క. సింహం స్నానానికి వెళ్ళాక ఆ మెదడు, గుండె చూస్తుంటే దానిక నోట్లో నీళ్ళూరాయి. ఎప్పుడూ సింహం తినగా మిగిలినదేదో తినడమేగాని ఎప్పుడూ ఆ మెదడూ, గుండే తిని ఎరుగను. ఇదే మంచి తరుణం, మించిన దొరకదు. అనుకొని ఆ గుండె, మెదడు చక్కగా, తృప్తిగా ఆరగించింది. ఒకవేళ సింహానికి కోపం వచ్చినా తన వెంటబడి పరుగెత్తేంత శక్తి దానికి లేదు. కనుక ఏమీ ఎరుగనట్లు నిబ్బరంగా కూర్చొనివుంది నక్క.
సింహం స్నానం చేసి వచ్చింది తనకెంతో యిష్టమైన మెదడు, గుండె తిందామంటే లేవు. “ ఏమిది మిత్రమా! దీని మెదడు, గుండే ఏమయ్యాయి? నువ్వ గాని తిన్నావా? ” కోపంగా అడిగింది సింహం. “ అయ్యో! రామ రామ! ఎంత మాటన్నారు? ఎప్పుడైనా తమరు తినకుండా నేను తినెరిగుండానా? తమ సేవకుణ్ణి. తమరు తిని వదిలివేసిన దాన్ని తిని బ్రతికేదాన్ని.అంత సాహసం చెయ్యగలనా? బహుశా ప్రభూ! దీనికారెండూ వుండుండవు. ” అంది నక్క నమ్మకంగా. “ నిజమా? జంతువన్నాక అవి లేకుండా ఎలా వుంటాయి? ” అంది సింహం. “ దాన్దేముంది ప్రభూ! ఎంతోమంది వికలాంగులుగా పుడుతున్నారు. ఒకవేళ దీనికి ఆగుండే వుండుంటే , తమరు దాన్ని చంపుతూంటే మెదలకుండా వుంటుందా? ఎదురుతిరగదూ? మరి దానికామెదడే ఉండివుంటే ఒకసారి పారిపోయింది మళ్ళీ రెండోసారి వస్తుందా? అయినా ఇవన్నీ తమకు తెలియని సంగతులా ప్రభూ? ” అన్నది నక్క. సింహంకూడా నక్కచెప్పిన మాట కాదనలేకపోయింది.

ఉపయోగాలు

2008-06-18T22:35:00.002+05:30

ఉపాధ్యాయుడు : ఒరేయ్! రామూ! నువ్వు చెప్పరా. శరీర భాగాల ఉపయోగాలేమిటి?
రాము : తల ...... తాకట్టు పెట్టుకోడానికి, కళ్ళు...... కుట్టుకోడానికి, చెవి....... కోసుకోడానికి, ముక్కు...... పిండి బాకీలు వసూలు చేసుకోడానికి, నోరు..... మూనుకోడానికి, పళ్ళు...... రాలగొట్టుకోడానికి, గడ్డం...... పట్టుకొని బ్రతిమలాడటానికి, గొంతు...... చించుకోడానికి, గుండెలు...... బాదుకోడానికి, కడుపు..... చించుకోడానికి, చేతులు..... పట్టుకొని బ్రతిమలాడడానికి, కాళ్ళు....... పట్టుకొని క్షమించమనడానికి ఉపయోగపడతాయి మాస్టారూ!
ఉపాధ్యాయుడు : ఆ.......!

ఎ కంప్లీట్ మ్యాన్

2007-04-25T14:41:00.000+05:30

ఏ జీవి కయినా శృంగారం కనీస అవసరం.ఏ వయసులో జరగాల్సిన ముచ్చట్లు ఆవయసులో జరిగితేనే అందం అంటుంటారుగదా! ప్రాచీన కాలం నుండీ మనదేశంలో అలాగే జరుగుతూ ఉన్నై గానీ ఇతర దేశాల సంస్కృతుల ప్రబావం వల్ల మనం మన అందమైన అలవాట్ల నుండి తప్పిపోయాం. ముల్సీములలో మాత్రం మార్పులు అంతగా కంపించడం లేదు. వైద్య శాస్త్రం ప్రకారం మనిషికి శారీరక తోడు 8 సంవత్సరాల వయసు నుండి అవసరం. కానీ మనం 18 సంవత్సరాల వయసు ను వివాహ వయసుగా నిశ్చయించాం.ప్రభుత్వం కూడా ఆలోగా పెండ్లిళ్ళు చేస్తే ఆటంకపరుస్తుంది.
దయచేసి మానవ అవసరాలు పరిశీలించండి. ఉదాహరణకు మన ఆహార అవసరాల క్రమాన్ని గమనించండి. శాస్త్రీయ దృష్టితో పరిశీలించినప్పుడు తల్లిపాలు ఓ సంవత్సరంపాటు ఆతర్వాత క్రమేపీ ఘనాహారం జోడిస్తాం. అంతేగాని 18 సం!! వచ్చేదాకా తల్లిపాలే/పోతపాలే కొనసాగించలేం . పాలతో 18 సం!! వచ్చేదాకా బ్రతకవచ్చేమో ఊహించండి . బహుశా బలహీనంగా వుంటాం. నేడు అన్ని రకాల ఆహారపదార్ధాలు అందుబాటులోవున్నా ఆర్ధికస్థితి సరిగాలేనివారు పౌష్టికాహారం తీసుకుంటున్నామోలేదో తెలీని స్థితిలో తక్కువ కేలరీల ఆహారం తీసుకునేవారు , ఎక్కువ కేలరీల ఆహారం తీసుకునేవారు , కొన్ని రకాల ఆహార పదార్ధాల్ని గిట్టవంటూ నిషేధించుకునేవారు ఇలా అనేకరకాలుగా వుంటున్నారు .ఒక్కవిషయం గమనించండి . పౌష్టికాహారం లేకున్నా బ్రతుకు బండిని లాగుతునావారెందరో నేడున్నారు.
అలాగే వస్త్రాల అండ తగినంత లేకున్నా 18 సం!! వయసు వచ్చే వరకు ఆగి, ఆతర్వాత అప్పుడే బట్టలు ధరించుదామా వద్దా అంటూ ఆలోచిస్తున్నామా? లేదు.బట్టలు ధరించాల్సినంత తప్పని స్తితి లేని పసివారికి కూడా భారి స్థాయి లో చక్కని దుస్తులతో అలంకరిస్తున్నాం. శాస్త్రీయ దృష్టితో చూస్తే 18 సం!! నిండిన వారికి పుట్టుకొచ్చే క్రొత్త అవసరాలు అంటూ ఏమీ వుండవు. అమ్మాయి కనలేదని ,ఆరోగ్య సమస్యలు వస్తాయని , నీళ్ళలొ చేపకు జలుబు చేస్తుందేమో, అన్నట్లు ఏవేవో అశాస్త్రీయ భయాలకు లోనవుతారు. ఆవయసులో వాళ్ళేం చేసుకుంటారు? ఓ 30, 35 సం!! వచ్చిన తరువాత ఐతే ... అని అనుకుంటాం. వాళ్ళేంచేసుకుంటారొ అది వారి యిష్టం. వారికి ఆవయసునుండే ఆపొసిట్ సెక్స్ తోడు కల్పించలేకపోవడం మన లోపం. నిజానికి 20 సం!! దాటిన తర్వాత తల్లులయ్యే వారిలో ఎక్కువమందికి కనీసం సిజేరియన్ చేయాల్సివస్తుంది.
మన పూర్వీకులు "ఈ"విషయమై బాగా ఆలోచించే దేవాలయలపై అది తెలియజేసారు. నాటి పరిస్థితులు వేరు. నాడు విధవలైనవారికి పునర్వివాహావకాసాలు లేకుండుట, సమానవయస్కులకు వివాహం జరపకపోవడం వంటి లోపాలవల్ల నాడది ఖండనార్హమైనది. నేటి నాగరీక ధోరణులకు 'ఇది" చెంపపెట్టు కాగలదు. చిన్నపిల్లలకు అప్పుడే పెళ్ళేంటండీ అనే తల్లిదండ్రులు తాము తమపిల్లలకి అన్నీ ఇచ్చాం అని చెప్పుకోకూడదు. మా కుటుంబ పరిస్తితులవల్ల , అర్ధిక లేమి వల్ల అన్నట్లుగానే తగినన్ని గదులులేనందువల్ల అంటూ ఇలా ఎవరికి వారు తమలోపాల్ని అంగీకరించాలి. పిల్లలకు సకాలంలో పెళ్ళిళ్ళు చేయలేకపోవడం లోపమని గ్రహించితే సరి. చిన్న వయసులో పెండ్లివల్ల కొన్ని లోపాలు కూడా వుండవచ్చు. నెంబర్ వన్: అమ్మలుతప్ప అమ్మాయిలు కనిపించరు. ఎఫ్ టీ వీ వాడు తన చానల్ మూతేసుకోవాలి. కళ పేరుతో నేడు చెలామణీ అవుతున్న వ్యభిచారాధారిత పరిశ్రమలైన సినిమా,టీవీ లకు, మద్యపానది క్లబ్బుల వ్యాపారములకు ఆటంకము కలుగవచ్చు.పాపం కదా! మరి లోకం మారితే యవరేంచేయగలరు?

అందం చూడవయా

2007-04-01T21:00:00.000+05:30

ఆ రోజు మాఆవిడ ఎంతో హుషారుగా ఉంది.తల స్నానం చేసి,క్రీములు రాసి,పౌడరు అద్ది,సెంట్లు పూసి,క్రొత్త చీరెకట్టి,బుట్టెడుపూలు పెట్టుకొని కాసేపు అటూఇటూ నాముందే తిరిగి ఇక లాభంలేదని ఓకుర్చీ లాక్కొని కూర్చుంది.నేనేదో పుస్తకం చదువుతూ పంచలో కూర్చొని ఉన్నాను .చివరకు "ఏమండీ ఈ లోలాకులు చూసారూ? ఇవిచేయించి ఇప్పటికి ఖచ్చితంగా ఓ సంవత్సరం అయింది" అంది; అప్పుడైనా అమెనిచూస్తానని. నేను "ఓహో అలాగా " అన్నాను పుస్తకంలోచి తలత్రిప్పకుండా. "ఈ చీర ఎలావుంది?" అంది. "చీరె బాగానేవుంది."అన్నాను."మరి నేనెలావున్నాను?"అంది కొంచం కోపంగా.పుస్తకం ప్రక్కకు పెట్టి దీక్షగా చూసి " ఏమీ మార్పులేదు.ఖచ్చితంగా నిన్నటిలాగానే వున్నావు" అన్నాను."ఆహా ఎంత అందంగావున్నావు? నువ్వు కట్టుకున్నందుకే ఈ చీరెకు ఇంత అందమొచ్చింది"అని నేను అనాలని ఆమె కోరిక. నాకేమో అలా అనడం ఇస్టంలేదు. ఆడవారు అతిగా అలంకరించుకొవాల్సిన అవసరం లేదని నా ధృఢవిశ్వాసం. ఒక్క ఉదుటున లేచి ఇంట్లోకివెళ్ళి నా పేంటూ, చొక్కా,లుంగీ చుట్టుకొని తెచ్చి నాపై విసిరివేసి "గెట్ అవుట్ " అని ధడేలుమని తలుపేసుకుంది.
నాక్కూడా కొంచం కోపం వచ్చింది.నేను అబద్ధం చెప్పనందుకు ఆమెకు కోపం రావడం తప్పా? నేను నిజం చెప్పినందుకు నాక్కోపం రావడం తప్పా? తప్పేవరిది? అని ఆలోచించుకుంటూ బట్టలు అక్కడే వదిలేసి పుస్తకం మాత్రం చంకలో పెట్టుకొని మా అమ్మగారింటికి వెళ్ళాను. మా అమ్మాగారిల్లు మేము అద్దెకుండే ఇంటికి రెండు బజార్ల అవతల వుంది. మా ఇంటికొచ్చి మంచం వాల్చుకొని పడుకొని పుస్తకం చదువుకొంటున్న నన్ను "అన్నం పెట్టమంటావురా?" అందిమాయమ్మ. నేనుఊంకొట్టగానే గబగబా ప్లేటులో అన్నం గోంగూరపప్పు,కొబ్బరికారం,నెయ్యి వేసి తెచ్చింది.నేను లేచి కూర్చొని తల దిండును వొళ్ళో పెట్టుకున్నాను.లేచి కాళ్ళూచేతులు కడుక్కోరా అంది.నేనేమీ మాట్లాడకుండా ప్లేటును దిండుమీద పెట్టుకొని రెండొ చేతులోని పుస్తకాన్ని చదువుకుంటూనేవున్నాను.ఇక లాభం లేదని మా అమ్మే ఓ గిన్నెలో నీళ్ళు తెచ్చింది.దాన్లో చెయ్యి ముంచి కడుక్కొని మెల్లిగా అన్నం కలుపుకొని తింటూనే పుస్తకం చదువుకుంటున్నాను."ఇంట్లో కోడల్లేదా?" అంది. ఉంది అన్నట్లు తల ఊపాను."ఏం చేస్తుంది?" అంది."ఏంలేదు ఊరికేవుంది"అన్నాను.మా అమ్మకి విషయం అర్ధమైనట్లుంది;మానాన్నకి ఉప్పందించింది.ఆయన మామేనమామనొకర్ని మాఇంటికి పంపి డేటా సేకరించాడు.విషయం తెలిసినాగాని వారికేమీ తెలియనట్లుగా ఎవరికివారు కూర్చున్నారు.చీకటి పడిన తరువాత లేచి ఇంటికి వెళుతున్నానని మా అమ్మతో చెప్పి మెల్లిగా ఇంటికి వెళ్ళాను. నన్ను చూస్తూనే మా ఆవిడ ఒక్క విసురున ఇంట్లోకి వెళ్ళీంది.టీ తెచ్చిచ్చింది.నేను టీ త్రాగినంతసేపు తనదురదృష్టాన్ని తలచుకొని బాధపడుతూనేఉంది.