మీ కలల్ని నిజం చేస్తాం

ఒక రోజు సుబ్బారావుకు కలొచ్చింది. అందులో తననెవరో చంపినట్లుగా వచ్చింది. రాత్రంతా బాగా ఆలోచించి ఒక నిర్ణయానికి వచ్చాడు. ఉదయాన్నే బాంకుకి వెళ్ళి తన ఖాతా క్లోజ్ చేసి , అందులో వున్న డబ్బంతా ఇచ్చేయమన్నాడు .
" ఏమయిందండీ ? ఎందుకు ఖాతాను క్లోజ్ చేస్తున్నారు? " అని వాళ్ళు ఎంత అడిగినా చెప్పలేదు.
డబ్బు డ్రా చేసుకున్నాక వెళ్ళబోతుండగా మళ్ళీ అడిగారు.
" ఇప్పుడైనా చెప్పండి సార్! కారణం "
" రాత్రి నన్ను ఎవరో చంపినట్లు కలవచ్చింది. అందుకే... " అన్నాడు సుబ్బారావు ' మీ కలల్ని నిజం చేస్తాం' అని వున్న ఆ బాంకు ప్రకటన బోర్డును చూపిస్తూ.